Vawiin chawhma khan Kolasib DC Conference Hall-ah District Level Fire Prevention Committee te chuan thutkhawmna neiin February Ni 10 atanga Ni 15, 2020 thleng hian ‘Fire Prevention Week’ neih ni se tih rel a ni.

He thutkhawmna hi Pi Sangchhin Chinzah, Deputy Commissioner in kaihruaiin Pu Joseph P Liana, ACF, Divisional Forest Office hnen atangin Kolasib District chhunga kangmei chhuak venna kawnga kum 2019-a an hmalakna te ngaihthlak a ni a, Leipui, huan, lo hal tih lovah chuan ram kang hrim hrim chu Rengte tlangsang leh Zanlawm ram kang chiah a awm thu tarlan a ni. Fire Prevention Week 2020 chhung hian ram kang a awm loh nan te, LPG leh Electric wiring fimkhur loh avanga kangmei chhuak te kan pumpelh theih nan thutharthehdarthtute kaltlanga inzirtirna nasa zawk kalpui tum a ni a, khawtlang tlawmngai pawl te nena kawng hrang hranga hmalak dan tur te rel a ni bawk. Kolasib district huam chhunga kangmei venna kawnga hma la tha khua thlanchhuah a lawmman siam a ni ang a, kum 2019 khan lawmman Pakhatna hi Khamrang in lain, Cheng 50,000 leh chawimawina thuziak an dawng a ni.