Vawiin khan Kolasib DC Conference Hall ah District Level Standing Committee on Special Summary Revision of Electoral Roll Member te chu DEO Pu Zoengsanga kaihhruaina hnuaiah an thukhawm.

DEO chuan Roll Revision hi kum tina neih thin a nih thu tarlangin he hunah hian March 2019 a Final Roll chhuah hnua hming thunthar leh a dangte (continuous updating) kalpui meka Kolasib District Voters khaikhawmna tarlan ani a tun dinhmuna Kolasib District a roll a chuang voter awm zat chu 58,745 a ni (mipa 28559; hmeichhia 30186), mipa aiin hmeichhe Voter tam na zat hi 1627 a ni. March thla a final roll chhuah atanga tun dinhmuna Electoral Roll a inthun belh/Voter punna chu mi 196 (mipa 103, hmeichhia 93) an ni. March thla a Roll tichhuah ah khan Voter 58,549 awm in mipa 28,456 leh hmeichhia 30,093 an awm a ni.

Hemi bakah hian Special Summary Revision of Electoral Roll a tana inpuahchahna tur chi hrang hrang sawiho a ni a Draft electoral Roll chu October ni 15, 2019 a tichhuah hman tum a ni a, hemi hma hian kum tling thar te bakah kum tling tawh vote la neilo/Electoral Roll a hming la chuang velo te chu Rolla an hming a chuan ngei theihna turin kawng hrang hrangin hmalak nise tia rel bawk a ni.

DEO chuan Roll Revision hmalakna tur ah Election Staff te mai bakah khawtlang thawhpuina chu a pawimawh hle dawn ani tiin Roll felfai tak buatsaih a nih theihnan thawhhopui ah khawtlang hruaitute a sawm bawk a ni.