5055/2025-2026

Kolasib, 31st March, 2026 : Vawiin khan Kolasib District Magistrate, Pu Lalmuan Puia chuan thuchhuah siam in; tun hnai maia thenawm Assam state-in Inthlanpui (General Election) an hmachhawn dawn avangin, Election Commission of India (ECI) inkaihhruaina hnuaiah state inrina (Inter-State border) huam chhungah te venhimna uluk zawk leh khauh zawka kalpui mek a ni a, duty leh patrolling te pawh neih uar a ni, a ti a. Hemi a nih avang hian ramri hrula khawsa leh veivak thinte pawh fimkhur thiam tur leh, thil pawi thleng thei laka inveng theuh turin mipuite a ngen a ni.

Ni 29.03.2026 zana Bairabi Zophai-a boruak tha lo tak thleng kha Kolasib District Administration chuan pawi a ti hle a. Hetiang thil duhawm lo hi a thlen nawn tawh loh nan District Administration chuan a tul ang zelin hma a la chhunzawm dawn a ni, a ti.

District Magistrate chuan mipuite pawh thlaphang lova thlamuang taka awm tur leh District Administration leh Sorkar hmalaknate thlawp a, theihtawp chhuah tlang theuh turin mitinte a ngen bawk.