No.156/2021-2022

Dated Kolasib: The 16th April, 2021: Tunlaiin lndia ram State hrang hrang leh Mizoram chhunga District hrang hrangah vawk natna African Swine Fever (ASF) a leng mek a. He natna inkaichhawn awl tak leh natna hlauhawm tak, a venna (vaccine) leh enkawlna damdawi awm lo a ni a. Kolasib District chhunga vawk awmsa te venhim a, mihring hriselna venhim tul nia a lan avangin Kolasib District Magistrate chuan a hnuaia mi ang hian khapna thupek a chhuah.

1. Thenawm ram (foreign countries), State dang leh District dang atanga vawk, vawksa, vawksa rep leh vawksa atanga eitur (frozen telin) siam reng reng lakluh leh thawn chhuah khap tlat a ni.

2. Vawk thi reng reng paih mai mai lovin, thuk takah phum thin tur a ni.

3. Vawk talh tu ten vawk hrisel tha chauh an talh tur a ni.

4. Vawk neituten vawk damlo an hralh tur a ni lo.

5. A neitu emaw mithiamte phalna tel lovin midang vawk inah tumah kal phal a ni lo.

Hemi dan bawhchhetute chu Section 188 IPC hmangin hrem theih an ni ang.

He khapna thupek hi ni 14.04.2021 atanga hmang tanin thla 2 (hnih) chhung a huam ang.

Lirthei neitu, he thupek zawm loa, State pawn emaw District dang atanga vawk phur lut lui man an nih chuan, an lirthei permit leh license tihtawp thlengin hmalak a ni ang.