Kolasib District-a Oil Palm chingtu chhungkaw tamtakte chuan an Oil Palm te an than duan chhoh hle avangin hlawhtlinna petu a nih ngei ringin an phur hle. Oil Palm tehi kum 2005 a chin a nih atangin an thang tha hle a. Tunah hian tamtak chu an rah tawh a, a rah bawr lian zualte chu 6 Kg leh 7 Kg te an ni hlawm.
Mizoram sawrkarin Oil Palm chin hna a tan atanga a thawhpui Godrej Agrovet Company chuan heng Oil Palm rahte hi a chingtute hnen atangin a lei thin a. Tun dinhmunah Mizoramah Oil Palm herna factory bun theih a la ni rih lova, amaherawhchu a chingtute tihphur nan company chuan Oil Palm rahte hi Kg khat Rs. 3.50 in a chinna hmunah a leisak thin a ni. A rah a lei khawl te chu Oil Palm kung tana leitha chaw siam nan (mulching) a chingtute hian an hmang leh mai thin a ni. Godrej company hian Oil Palm chingtute hi an vil tha hle a. A phun dan atangin lei tha pek dan leh a kung enkawl dan kimchang an hrilh thin a ni.
Kolasib District hi Oil Palm chin bul tanna niin kum 2005-2006 khan Lunglei District nen a ruala chintir an ni a. Kolasib-a DAO Office leh a thawhpui GAVL te chuan hei hi uluk taka vilin tui hnianghnara thlai chawmna tur pipe te, tuizem siamna tur sum te chenin an pe a. A chingtu lam hi kum tina pung chhovin tunah chuan chhungkaw 2460 an tling chho ta a. Sawrkar tharin NLUP trade pakhatah Oil Palm hi a rin lut leh ta bawk a. A chingtu chhungkaw tamtakte chuan beiseina thar nen hun lo kal tur hmathlir eng tak he sumchang thlai hian a la chuanchhuah pui ngei an ring tlat a ni.
Kolasib District hi Oil Palm chin bul tanna niin kum 2005-2006 khan Lunglei District nen a ruala chintir an ni a. Kolasib-a DAO Office leh a thawhpui GAVL te chuan hei hi uluk taka vilin tui hnianghnara thlai chawmna tur pipe te, tuizem siamna tur sum te chenin an pe a. A chingtu lam hi kum tina pung chhovin tunah chuan chhungkaw 2460 an tling chho ta a. Sawrkar tharin NLUP trade pakhatah Oil Palm hi a rin lut leh ta bawk a. A chingtu chhungkaw tamtakte chuan beiseina thar nen hun lo kal tur hmathlir eng tak he sumchang thlai hian a la chuanchhuah pui ngei an ring tlat a ni.
