No.7399/2020-2021  


Tukin zing khan Kolasib district Scouts and Guides te chuan ni hnih awh Hiking nei turin Bairabi an pan a, Maj. Carolyne Zonunmawii Pachuau (Rtd.), DSW & RO, District Scouts & Guides Vice President-in hiking hawnna hun a hmang.
 
Maj. Carolyne Zonunmawii Pachuau (Rtd.) chuan khua leh tui ṭha nih zirtir thin, khawvel pum a pawl lian ber Scouts and Guides member nih theih chu thil lawmawm  tak a tih thu sawiin, nun khaw chhuah nana zir tur tangkai tak takte zirchhuak a, khawtlang tan a mi hmantlak zawk nih nan Hiking chhung a an thil zirte chu hmang ngei turin duhsakna a hlan a ni. 


Hiking-ah hian khuarel chhiatna thleng thei lak a  invenna kawng a chet lak dan chi hrang hrangte, hrui suih (Knots) leh first aid pek dan inzirtirna hun neih a ni dawn a, Tlawng lui dung thenfai hnatlang neih a ni dawn bawk a ni.


Hiking hi Kolasib District Scouts and Guides leh State Headquarters Rover te ṭangkawp a buatsaih a ni.

Attachment

  • Loading attachment...