Krismas leh kumthar vuakveta Kolasib District Mipuiten him zawka hunpui an hman dan tur ngaituahin vawiin khan Kolasib District Security Committee chu DC Conference Hall ah District Bawrhsap Pu R Zarzosanga kaihhruaina hnuai ah an thukhawm.

Thutkhawm chuan Krismas leh Kumthar vuakveta duty tur Police, Excise, Magistrate te duty dan tur a rel a, kum danga an lo tih thin angin Sawrkar tha tichak turin NGO ten theihtawp lo chhuah leh tura ngen nise tiin a rel bawk a. Hemi bakah hian Biak in leh khawtlang ah leh Media kaltlangin nasa zawka inzirtirna leh inhrilhhriatna nei tura ngen nise tiin a rel bawk a. kolasib District chu Mizoram luhka a nih avangin vairengte check gate ah ruihhlo, halpuah,halmawi, silai lem a mu kap chhuak thei chi tawlhruk awm theih thula strict taka check thin nise , hemi bakah hian khaw chhunga dawr hrang hrangte chu heng thil khap te hi an kawl leh kawl loh chungchangah sawi lawkna awm lova check (surprise checking) thin nise tiin a rel bawk a ni. Thutkhawm chuan heng halpuah leh halmawi, Silai lem a mu kap chhuak thei chi, Ruihhlo-zu leh Drugs tawlhruk, khawlaia rui, buaina siam, rukruk leh kuthlei (mi motor khawih ching) te a khap thu a tarlang a, heng thil khap te laka fihhlim lo chu in ngaihnatthiamna a awm dawnlo a ni tih mipui ten hria se a duh thu a tarlang bawk a. krismas leh Kumthar boruak chu him leh lawm taka mipuiin kan hman tlan vek theih nan District Security Committee thupek chu zawm theuh turin mipui te a ngen bawk a ni.

Thutkhawm in a tarlan dan in hunpui lo thleng tura Duty kenkawh nan Home Department atangin cheng 90,000/- chu District Administration ah hlan a ni a, hei hi Sub-Hqrs YMA Kolasib hruaitute kuta hlan leh tur a ni. He thutkhawm ah hian Kolasib SP Pu Abhisek Dhania, Kolasib Addl DC Pu Laltanpuia Hnamte, Kolasib CJM Pi Sylvie Z Ralte, Kolasib SDO (Sadar) Pu Mark Lalthanliana bakah hemi kaihhnawih a Department hrang hrang hotute leh NGO hruaitute an tel a ni.