Nimin khan MHIP vawi 36-na Kolasib New Diakkawn Community Hall-ah phur taka lawm a ni a, he hunah hian khuallian Art & Culture Minister Pu PC Zoram Sangliana chuan Kolasib khawchhung hmeithai 198-te hnenah puanthui khawl (Usha company) a hlan a ni.
Thuchah sawiin Pu PC Zoram Sangliana chuan MHIP hian khawtlang, chhungkua leh ram leh hnam tan rawng a bawl a, Mizoram tlawmngai pawl tamtak te zingah midang tana malsawmna thlentu pawl an nih thin chu chhunzawm zel tur leh Mizo hnam dam nana Nu nih tling turin member-te chu a chah a, kan faten engtinnge min hmuh i in enlet fo ang u a ti. Kum 10 dana chhiarpui census neih mekah mi thenkhatin sakhuana avanga an inziaklut duh lo chu mawlna nasa tak ani tiin India thlazar hnuaia buhfai eia ni 100 inhlawhna leh sorkar zar zo kan duh anih si chuan chhiarpuia inziah luh hi kan bat a ni a ti a. Anih loh chuan khua leh tui ata thaibova ram pawna hnawhchhuah mai kan hmabak ani tih hria ang u a ti. Isua neitute tan sakawlh a hlauhawm loh Minister chuan a ti a ni.
Pi Vanlalchhuangi, President, Joint MHIP-in day lawmna hi a kaihruai a, MHIP Gen.Hqrs. - in Joint MHIP chu sub-headquarters-a a chhunfin tak avangin he ni hian Kolasib Joint MHIP chu thlahliam a ni.
Hmeithai 198-te hnena puanthui khawl minister-in a hlante hi ama MLA fund atanga lei an ni a, hun hmalam khan Bairabi, Meidum leh Pangbalkawn khuate-a hmeithai 60 hnenah a lo pe tawh bawk. Hmeithai khawl dawngtute hian minister chunga an lawmzia an hrilhfak a ni.
Chawhnu lamah Pi Lalthlamuani, President, MHIP Gen. Hqrs. chuan khual zahawm niin MHIP day hi a hmanpui a. Tiranga do beihpui thlakna hawngin tiranga tia a hming khaikhawm Gutkha Panparag leh a dangte-in taksa hriselna a tihchhiat nasat theih zia a sawi a. Hmeichhiaten i fa a dam em? I pasal a dam em? tih inzawt theuh ang u a ti a, hmeichhiate chu kawng tinrengah Pathian thu-ah leh nunkawngah kan khawtlang tuam damtu kan ni thei a ni a ti a. MHIP kaltlangin Lalpa rawng i bawl ang u a ti a ni. MHIP Runa naupang khawngaihthlak tak tak 10 enkawl mekte tan theihtawp i chhuah tlang ang u a ti bawk.
Joint MHIP Secretary Pi Laltluangi chuan report pe-in working women hostel tur sak mek chu hma an sawn tluang hle a ti a, family councelling centre-ah councellor pahnih an rawih mek thu leh hei hi khawtlangin an chhawr hle niin a sawi a ni.
Day lawmna atan Kolasib khawchhung MHIP Branch hrang hrangten football inelna an neih chu champion team Kolasib Vengthar Branch hnenah Rs.500/- leh pahnihna New Diakkawn Branch hnenah Rs.300/- Pi Lalthlamuanin a hlan a ni.
Pi Vanlalchhuangi, President, Joint MHIP-in day lawmna hi a kaihruai a, MHIP Gen.Hqrs. - in Joint MHIP chu sub-headquarters-a a chhunfin tak avangin he ni hian Kolasib Joint MHIP chu thlahliam a ni.
Hmeithai 198-te hnena puanthui khawl minister-in a hlante hi ama MLA fund atanga lei an ni a, hun hmalam khan Bairabi, Meidum leh Pangbalkawn khuate-a hmeithai 60 hnenah a lo pe tawh bawk. Hmeithai khawl dawngtute hian minister chunga an lawmzia an hrilhfak a ni.
Chawhnu lamah Pi Lalthlamuani, President, MHIP Gen. Hqrs. chuan khual zahawm niin MHIP day hi a hmanpui a. Tiranga do beihpui thlakna hawngin tiranga tia a hming khaikhawm Gutkha Panparag leh a dangte-in taksa hriselna a tihchhiat nasat theih zia a sawi a. Hmeichhiaten i fa a dam em? I pasal a dam em? tih inzawt theuh ang u a ti a, hmeichhiate chu kawng tinrengah Pathian thu-ah leh nunkawngah kan khawtlang tuam damtu kan ni thei a ni a ti a. MHIP kaltlangin Lalpa rawng i bawl ang u a ti a ni. MHIP Runa naupang khawngaihthlak tak tak 10 enkawl mekte tan theihtawp i chhuah tlang ang u a ti bawk.
Joint MHIP Secretary Pi Laltluangi chuan report pe-in working women hostel tur sak mek chu hma an sawn tluang hle a ti a, family councelling centre-ah councellor pahnih an rawih mek thu leh hei hi khawtlangin an chhawr hle niin a sawi a ni.
Day lawmna atan Kolasib khawchhung MHIP Branch hrang hrangten football inelna an neih chu champion team Kolasib Vengthar Branch hnenah Rs.500/- leh pahnihna New Diakkawn Branch hnenah Rs.300/- Pi Lalthlamuanin a hlan a ni.
