2503/2022-2023
Kolasib dated 1st November 2022: Vawiin chawhma khan Hmar veng Hall, Kolasibah Kolasib Officers Club buatsaih,’Inter Office Sports Meet 2022’ chu Pu John LT Sanga, Deputy Commissioner chuan a hawng a. Kolasib district sawrkar office leh Bank hrang hrang 78 telna Inter Office Sports Meet hi ni 4 awh tur niin inelna chi hrang 18 a awm dawn a ni.

Pu John LT Sanga, Deputy Commissioner chuan Inter Office Sports Meet 2022 chu Sawrkar pisa hrang hranga thawktute inhmelhriatna hun tha leh inpawhna tha siam nana hun pawimawh tak a nih thu sawiin chu chuan thawhhona boruak tha tak a siam phah ngei a beisei thu a sawi a. Hrileng avanga hun rei tak inkhuahkhirh a nih hnu ah Kolasib Officers Club hmalakna a Sawrkar hnathawkten inpawhna tha an neih theih nana inelna thianghlim tak buatsaih a ni chu lawmawm a tih thu a sawi.

Vawiin Kolasib district Inter Office Sports 2022 hawnna hun hi Pu Johny Zochamliana, Vice Chairman, Inter Office Sports Meet Organising Committee in kaihruaiin Pu R.Lallawmkima, Asst. Secretary chuan inelna hrang hrang kalpui dan tur tlangpui tarlanna hun a hmang a. Pu Samuel Lalrinawma, Secretary kaihhruaina hnuai ah Team 8 atanga hruaituten inelna thianghlim nei tur a intiamna thuthlung an la bawk a ni.