Kolasib District S.P. Pu Lallianmawia chuan vawiin khan Khuangpuilam-a a office chamber-ah Kolasib khaw chhunga NGO hruaitute leh media te kokhawmin khawpui chhunga traffic movement tih that dan tur leh sualna hrang hrang in rawk, ruihtheih thil hluar ta leh khawtlang sualna chi hrang hrang ti bo tura tan ho dan turte zau takin a sawipui.
Thuhma sawiin Pu Lallianmawia chuan Police te hi mipui rawngbawl tura thawk kan ni a. Amaherawh chu Police chhungkua-ah ruihtheih thil avang leh dawngdahna, rinawm lohna avangte in thui tak kan kal sual tawh a. Hemi siam tha tur hian DGP atangin beihpui thlak mek a ni, a ti. Ama hnuaia thawktute zingah pawh insiamthatna beihpui nasa taka thlak mek a nih thu Pu Mawite-a chuan a sawi a. Police zu in, discipline tha lo leh mipui rawngbawl tih in hre lo te chu a tul anga action lak chhoh mek a nih thu pawh a sawi a ni.
Kolasib khawpui chhunga traffic kalphung ti tha tura rawtna leh sawi duh nei apiangte sawmin police-te hnathawh felhlel sawi tur nei pawh huai taka sawi turin a sawm a. Kolasib traffic chu a tawt zual hma ngeia fel taka duan a tum tlat thu pawh a sawi a ni.
Sawihona zau tak neiin Kolasib a lirthei mumal zawka a tlan theih nan parking hmun tha siam te, kawtkaia motor park loh te, Auto stand siam fel, lirthei khalh laia traffic rules zawm te, a rang thei ang bera lirthei tlan dan siam fel te rawt a ni a. Sualna tam tak ti reh tura khawtlang mipuite leh police te inpuih tlan leh a tul anga phone pawha inhrilh hriat zung zung tul an tih thute an sawi bawk a. Police lam pawhin chak zawka misual hnuchhui hna an thawh theih nan civil mite chu theih ang anga lo pui thin turin an ngen bawk a ni.
Vawiin SP leh khawtlang hruaitute inhmuhkhawmna ah hian Addl. S.P. Pu Lalthafamkima Jongte leh SDPO Pu Paul Thangzika ten SP an tawiawm a, Pu Khamluaia, SDM pawh a tel bawk a ni.
Kolasib khawpui chhunga traffic kalphung ti tha tura rawtna leh sawi duh nei apiangte sawmin police-te hnathawh felhlel sawi tur nei pawh huai taka sawi turin a sawm a. Kolasib traffic chu a tawt zual hma ngeia fel taka duan a tum tlat thu pawh a sawi a ni.
Sawihona zau tak neiin Kolasib a lirthei mumal zawka a tlan theih nan parking hmun tha siam te, kawtkaia motor park loh te, Auto stand siam fel, lirthei khalh laia traffic rules zawm te, a rang thei ang bera lirthei tlan dan siam fel te rawt a ni a. Sualna tam tak ti reh tura khawtlang mipuite leh police te inpuih tlan leh a tul anga phone pawha inhrilh hriat zung zung tul an tih thute an sawi bawk a. Police lam pawhin chak zawka misual hnuchhui hna an thawh theih nan civil mite chu theih ang anga lo pui thin turin an ngen bawk a ni.
Vawiin SP leh khawtlang hruaitute inhmuhkhawmna ah hian Addl. S.P. Pu Lalthafamkima Jongte leh SDPO Pu Paul Thangzika ten SP an tawiawm a, Pu Khamluaia, SDM pawh a tel bawk a ni.
