446/2026-2027
Kolasib, 9th May, 2026: Kolasib Superintendent of Police Pu Lalrinpuia Varte chuan Mizoram State Sawrkar Notification leh Motor Vehicle Act 1988-in thuneihna a pek angin, NHIDCL hnuaia contractor ten National Highway 06 (Bilkhawthlir 70+000 KM leh Kolasib 95+000 KM inkar) a kawngpui siamthat hna chak zawka an thawh theih nan, a hnuaia mi ang hian lirthei lian (Heavy Motor Vehicle - HMV) te tlan dan tur thupek a chhuah.
He thupek ang hian May ni 11, 2026 atanga May ni 20, 2026 chhungin Bilkhawthlir (Kharzawl) leh Hmawngkhawthlir, Kolasib inkarah lirthei lian (HMV) te tan a hnuaia hun tarlan ang hian kawng khar leh hawn a ni ang:
Kawngpui khar hun (Road Closure Hours):
10:00 AM atanga 1:00 PM
2:00 PM atanga 5:00 PM
6:00 PM atanga 9:00 PM
Kawngpui hawn hun (Road Opening Hours):
1:00 PM atanga 2:00 PM
5:00 PM atanga 6:00 PM
9:00 PM atanga 10:00 AM
Kawng khar (Road Block) hun chhung hian Vairengte atanga lo chho lirthei lian (HMV) te chu Dochhuma hmunah dan an ni ang a, Silchar lam pan lirthei lian (HMV) te chu Hmawngkhawthlir-ah dan an ni thung ang.
He thuchhuah chungchanga harsatna neite chuan IC Bilkhawthlir OP (Ph.No. 9862316186) leh IC Traffic Cell, Kolasib (Ph. No. 9862306914) ah te biak theih reng an ni a. He thupek zawm lo chu Section 179 MV Act hmanga hrem an ni ang.
