Vawiin khan Kolasib Town Road Development Coordination Committee chu an Chairman Pi Niharika Rai, IAS, DC hovin a office chamber-ah an thukhawm a. Kolasib Town Road siam mek chungchang an thlir ho.

Tun hnaia Monitoring Sub Committee on Town Road-in kawng an endikna Town Road Committee puia an thehluh chungchang an sawi hova. Pi Niharika Rai chuan Kolasib Town Road siam mek chu a pawimawh em avang leh he kawng hi kum 15 chhung zet daih tura duan a nih avangin a quality uluk a ngai hle a ni, a ti a. Hnathawktu NBCC leh sub contractor chu an hna uluk tur leh thawm ngai lai apiang te mipui mamawhna thlir chunga thawk turin a hrilh a ni.

Tarlan tawh thin angin Kolasib Town Road Improvement hi UD&PA Deptt. kaltlangin January 9, 2009 khan thawh tan a ni a, heta tana pawisa ruahman zat chu Rs 2459.88 lakhs a niin kum 1 leh thla thum chhunga thawh zawh tura tih a ni. Atir ah contractor pahnihin an thawk a, amaherawh chu hun engemawti chen hnuah contractor pakhat zawk chu a hna atanga ban a nih hnuin CT Mawia cons. Company in an thawk ta vek a. Package I & II ah thenin package I hi thawh zawh tawh a ni a. Package II hi June thla chhunga thawh zawh tura tih a ni.

Meeting zawh hian Monitoring sub committee in kawng siam hna felhlel tia an report hmun pakhat chu Contractor te nen an tlawh nghal a ni.