DIRECTORATE OF INFORMATION & PUBLIC RELATIONS, Government of Mizoram, India

No.5170/2020-2021

Kolasib 17^th September 2020: Vawiin chawhma khan I&PR Conference Hall, Kolasibah Solid Waste Management Centre, Dihmuntlang sak zawh hun a hman dan tur inkaihhruaina dan zirchianna hun, Kolasib Town Sanitation Task Force leh Kolasib Town Village Council 17 a hruaitute an nei a. Dr. H Lalthlangliana, Deputy Commissioner, Kolasib chuan he hun hi kaihruaiin Pu Gaston Vanlalhriatpuia, District Urban Development Officer chuan ‘The Kolasib Town Solid Waste Management Bye-Laws, 2020’ chungchang sawi hawnna hun a hmang a ni.

Dr H Lalthlangliana chuan Solid Waste Management Centre, Dihmuntlang chu hun reilote chhung a hman tan theih thuai beisei a nih thu sawiin hman tan a nih chuan ‘The Kolasib Town Solid Waste Management Bye-Laws, 2020’ pawh hman tan a tul dawn thu a sawi a,” Heihi kalpui tan a nih hunah chuan bawlhlawh hi kan paih tawh dawn lova, kan sawngbawl tawh zawk dawn a ni,” a ti a,” A tawih thei leh tawih thei lo thliar hran a nih hnuah Solid Waste Management Centre-ah hian thil tangkai zawk siam nana sawngbawl a ni dawn a ni,” a ti. Dr H Lalthlangliana chuan chhungtinin bawlhhlawh titlem zawng a khawsak thiam a tul thu a sawi a, nitin khawsaknaa mamawh bak lakkhawm loh inzirtirna neih a pawimawh thu a sawi bawk a ni. Deputy Commissioner chuan Sawrkar hmalaknain Bawlhlawh sawngbawlna changtlung tak hman tan mai theihin a awm tawh a, lawmthu kan sawi let ve theihna chu kan khawpui hi khawpui fai leh thianghlim ber ni turin, bawlhhlawh sawngbawl kawngah mahni mawhphurna theuh hlenchhuah turin kalkhawmte a chah a ni.

Vawiin Solid Waste Management Centre inkaihhruaina dan zirchianna hunah hian Pu J Rothanga, District Agriculture Officer, Kolasib chuan bawlhhlawh tawih theite chu uluk tak a sawngbawl (Vermi-composting) a nih chuan leithaa siam a nih theih dan te sawiin hemi tihhlawhtlin a nih theih nan hian khawtlang hruaitute leh mipuiten bawlhhlawh thliar hran kawngah an fimkhur a, an taimak a pawimawh thu a sawi bawk a ni.

‘The Kolasib Town Solid Waste Management Bye-Laws, 2020’ hnuaia bawlhhlawh thliar hran dan tur;

Sl.No	BAWLHHLAWH TAWIHTHEI (Wet Waste)	BAWLHHLAWH TAWIHTHEILO (Dry Waste)
1	Ei rawngbawlna Ningnawi, Chaw Nawi,	Linoleum Carpet, Plastic leh Synthetic Rubbar atanga siam Doormat lam chi,
2	Chakai, Chengkawl, Tuikep.	Saidawium/Plastic Bottle
3	Saruh/Sangha Ruh	Pheikhawk/ Slipper/ Chappal Chhia,
4	Coconut Kawr	Polythene Bag lam chi reng reng,
5	Mautuai, Rawtuai Khehna Kawr,	Sweet kawr etc.,
6	Thei Pil/Kawr	Tetra Pak kawr (Theitui Bawnghnute/ bur ruak etc. Frooti, Keventer, etc.)
7	Chhang, Sweet/ Chewing Gum (a kawr tel lovin)	Tel/ Chi etc funna
8	Thlai Hnah, Thing Hnah,(huan samnatel lovin)	Kawr, Puan, Thawmhnaw Chhia, (Cotton/Sik hlang atanga siam tiam lovin)
9	Thingpuife Nawi	Diaper, Sanitary Napkins,
10	Artui Heng,	Meizial Bung (Zozial tiam lovin)
11	Sahdah/Khaini,	Sam/Hmul Lam Chi,
12	Panhnah, Khuhva Rah, Kuhva Khehna Kawr,	Thir/ Thirzai
13	Lehkha/ Lehkha Khawng etc., leh kan hriat mai theih chin a tawihthei te.	Darthlalang Lam Chi Leh Make-Up chi reng reng leh kan hriat mai chin a Tawih Theilo, etc.