4491/2024-2025

Kolasib 28th February, 2025 : Vawiin tlai khan Lead Bank Office Kolasib District-te buatsaihin Kolasib Venglai Bazar-ah pawisa fai tellova Digital thiamna hmanga thil lei leh hralhna - Declaration of 100% Digitization Kolasib Venglai Bazar-ah hman a ni a. He hunah hian Kolasib Deputy Commissioner Pu Robert C. lalhmangaiha chu khuallian niin hun a hmanpui.

Kolasib DC chuan he hunah hian thusawina hun hmangin Kolasib District Lead Bank Office-te'n ruahmanna felfai tak nen Pawisa Digitization tha taka an kalpui thei chu a lawmawm a tih thu a sawi a. Sawrkar laipui chuan pawisa fai a sum khawih tih tlema Cashless Transaction kalpui chu a ngaih pawimawh thu a sawi a. Digital thiamna chuan tihpalh thil thu a pawisa a kim lo a in hlanchhawnna lakah te, eirukna leh hlemhletna lakah te nasa takin a ven thute a sawi a. India Sawrkar pawhin dik lo taka sum tihchetna awlsam taka zawhchhuah a nih theihnan Digital hmanga Cashless Transaction chu a kalpui thu a sawi bawk. Thusawina a neih zawh hian Kolasib DC Robert C. Lalhmangaiha chuan Kolasib Venglai Bazar chu 100% Digitization atan puanna hun a hmang nghal a ni.

He hun hi Pu C. Lalnunpuia, Lead Bank Manager, Kolasib District kaihhruaina in hman a ni a. Pu JD Traite, District Development Manager (DDM) National Bank for Agriculture and Rural Development (NABARD) chuan he hunah Pawisa Digitization chunchangah mipuite hriattur tarlanna hun a hmanga a. Digitization chu India Sawrkar laipui leh Reserve Bank of India(RBI) te hmalakna pawimawh tak a ni tih thu sawiin, he huna kalkhawmte chuan an nitin nun leh an eizawnna kawngah tangkai taka an hman ngei a beisei thu a sawi a ni.

Mizoram pumah kumin 2025 March thla chhungin vantlang thil lei leh hralhna hmunpuite ah 100% Digitization kalpui turin ruahmanna neih mek a ni a. Vawiin a Kolasib Venglai Bazar Digitization puanna hunah hian Lead Bank Office-te buatsaihin Bazar chhunga thute’n Digital hmanga Bank Transaction an tih theihna tur Bar Code semchhuahna hun hman a ni bawk. He hunah hian RBI hnuaia Financial Literacy kalpui hna thawktu Crisil Foundation-te leh Bank hrang hrang aiawhte an kal thei bawk a ni.