Vawiin khan Kolasib District chhunga NLUP hnuaia Mau chingtu chhungkaw 10 hnenah Tui dah khawlna tur Sintex tuizem litre 1000 dawng pahnih theuh sem a ni.

Tuizem semna inkhawm hi DFO Office kawttualah neih a ni a. Pu Lalthlamuana Pachuau, DFO, Kolasib District chuan a sem a ni. Heng tuizem sem te hi chah thlen hmasak te an ni a, a dang lo thlen veleh khaw danga beneficiary te pawh sem an ni ang.

Kolasib district hi Mau that duhna leh hralh awlsamna ber district nia ngaih a ni a. NLUP hnuaiah khaw 6 atangin Mau chin thlangtu chhungkaw 37 an awm a. Bamboo trade hnuaiah hian Beneficiary te chu  Rs. 14,400/- senga RCC Tuizem litre 2500 dawng siam emaw, Synthetic/Plastic tuizem litre 2000dawng lei emaw an duh zawk thlantir an ni a. Beneficiary 36 ten plastic tuizem, litre 1000 dawng pahnih an duh zawk thu DFO ah an thlen a. Chumi bawhzui chuan Department in Sintex tuizem 72 pek tur a lei ta a ni. Hemi lei na atana senso paih chhuah hnua pawisa la bang chu tuizem hunna leh a herh hawna tur siam nan tuizem sem zawh vek hnuan Beneficiary te hnenah a rualkhai thei ang bera sem a la ni dawn a ni.