3645/2024-2025
Dated Kolasib the 3rd December 2024: Kan hma lawkah hian Kristian-te hunpui Christmas leh Kum thar kan lo thleng leh dawn ta reng mai a. Hunpui boruakah mipuite kan lo him a, lirthei khalhtute pawhin fimkhur taka lirthei an chelek theih nan Kolasib District Police-te chuan Dt. 15.12.2024 (Sunday) atanga Dt. 22.12.2024 (Sunday) chhung hian lirthei check runpui ‘No Tolerance Week’ Kolasib town area-ah an kalpui dawn a. He hunah hian inhriatthiamna awm lovin Dan bawhchhiate hrem an ni ang.
Lirthei khalhtute leh neituten document pawimawh zawng zawng nei vek tur leh tinung vek turin kan inhriattir a ni. Helmet khum loa Two wheeler khalh, kum tling lo lirthei khalh, Driving license nei loa lirthei khalhte pawh a na thei ang bera hrem tur an ni.
He hmalakna hi mipui ten kan himna a ni tih hriaa min thawhpui vek turin kan sawm a che u.
