4544/2024-2025

Dated Kolasib the 5th March 2025: Vawiin khan Kolasib DC Conference Hall ah Digital Agricultural Mission hnuaia Aerial Drone Survey of Agricultural Land chungchangah Meeting neih a ni a. He hun hi Kolasib DC,  Pu Robert C Lalhmangaiha chuan kaihruaiin Agriculture leh a kaihhnawih Department aiawhte an kalkhawm a ni. 

Thutkhawmna ah hian DC chuan Digital Agriculture chu a hming atang ringawt pawh in a pawimawh zia leh tunlai khawvel thiamna sang zel te ei leh bar tharchhuahna kawnga hman tangkaina pawimawh tak a ni dawn tih a lang nghal a ni, a ti. Kolasib District ah pawh kawng hrang hrangah chhawr tangkaina a awm dawn thu sawiin, Kolasib District chhung ngei a oil palm te,fishery te, arecanut te, leilet buh chin na ah te leh hmun hrang hrang te Drone in survey a nei tur chu kan dinhmun chiang zawka inhriat nan leh hmasawwnna tur atan a pawimawh dawn hle a ni, tiin, rah tha a chhuah ngei a beisei thu a sawi.

R Lalnunzira, Addl Director , Agriculture and Farmers Welfare Department pawhin thu sawiin, digital agriculture chu langtlang leh felfai taka technology hmanga loneitute hmunhma te endik a,  an dinhmun hriatchianna pawimawh tak a ni, a ti a. Kolasib District chu a ram leilung avangin Agriculture leh a kaihhnawih Department te tan District pawimawh tak a nih thu sawiin, vawiina Drone hmanga Digital Survey neih tur chungchang pawh Kolasib District chuan hlawk taka an chhawr ngei a beisei a ni, a ti.

Vawiinah hian Digital Agricultural Mission hnuaia Aerial Drone Survey of Agricultural Land chungchangah hian zirtirna kalpui nghal a ni a. Ruahman danin Department hrang hrang- Agriculture, Sericulture, Horticulture, Fishery, AH & Vety leh Soil and Water Conservation Department leh Agriculture kaihhnawih Department dangte hnuaia loneitute hmunhma chu Drone hmanga en a ni dawn a. 

Drone hmang hian loneitute data hrang hrang lakkhawm tur niin, chutah chuan an ram neih dan, thlai chi hrang hrang an chin te , an ran vulh te leh leh sangha khawi te thlengin a tel a. Department te hian KML file in Drone in a survey tur te hmunhma an lo dah lawk anga chumi hmang chuan geo referencing map siam tur niin, chu chu drone hmanga en kual leh tura tih a ni.

Digitial Agriculture Mission hnuaiah hian Digitial crop survey te siam tur niin, Sawrkar laipuiin a duhthusam ah chuan tun khariff season chhungin digital crop survey chu  khua zawng zawng  za a 90 ah kalpui hman tura tih a ni.

Vawiin thutkhawmna ahhian DC kolasib leh Addl Director (Agriculture and Farmers Welfare Department) te bakah, Pi Lalsangzuali Hmar,Deputy Director (A&FW), Pu Joseph Lalnuntluanga,DAO KOLASIB, Pu Simon Rosangliana , Asst Director (A&FW) te leh Sericulture, Horticulture, Fishery, AH & Vety, Soil and Water Conservation, DM&R leh Land Revenue and Settlement Department aiawhte an tel a ni.