2120/2026-2027

Kolasib, the 8th September, 2026: Vawiin khan I & PR Conference Hall, Kolasibah Middle School, Primary School leh Private School Kolasib khawpui huam chhunga zirtirtute tan Capacity Building workshop for School Teachers, Tobacco Free Education Institution (ToFEI) Guidelines & Tobacco Cessation hun hman a ni a. Kolasib District Senior Chief Medical Officer, Dr. RK Lalthlamuana chuan he hun hi a hmanpui.

Senior Chief Medical Officer, Dr RK Lalthlamuana chuan thu sawiin Global Adult Tobacco Survey (GATS) atanga a lan danin mizo zingah vaihlo zuk leh hmuam ti kan la tam hle a ni a ti a. Vaihlo thatlo zia naupangte atanga kan inzirtir a pawimawh hle ani a ti a. School naupangte zuk leh hmuama an filhim thei nan zirtirtuten theitawpa hma an lak nasat a pawimawh thu a sawi. Zirna in zawng zawngah Tobacco Free Education Institute ni vek turin sawrkar hma lakna kal zelah vawiin workshop training hi buatsaih a nih thu a sawi a. Vaihlo, zuk leh hmuam chuan ruihhlo ti tura kailawn hmasa ber a nih thu sawiin, miin vaihlo a tih tawh chuan thluakah ngawl veina siamin, sim a har thu a sawi a. Taksa leh rilru hrisel nan vaihlo leh a kaihhnawih laka inthiar fihlim turin zirtirtute a chah bawk.

NTCP Kolasib District Consultant Dr. Christine Chhuanmawii chuan powerpoint presentation hmangin vaihlo zuk leh hmuamin mihring taksa ah nghawng ṭha lo a neih theih dan kawng hrang hrang zirtirin, vaihlo túr (nicotine) hna thawh te, e-cigarette (tuibúr) zûk ṭhat lohzia leh vaihlo sim dan kawng hrang hrang a sawi a. Kan society ah vaihhlo leh a kaihhnawihin bu a khuar nghe avanga tihtawp a harsat dan te leh naupang zawk ten vaihlo laka an fihlim thei dan tur zirtirna a pe.

NTCP Psychologist Kolasib Emmanuel R. Hmingthantluanga chuan vaihlo laka vantlang mipuite kan lo fihlim theih dan tur te, kawng hrang hrangin Vaihhlo in mihring hriselnaah nghawng thalo a thlen theih dan bakah natna tamtak intanna chu vaihhlo a nihzia Powerpoint hmangin zirtirna a pe bawk.

Vawiin training buatsaiha hian Kolasib khawpui huamchhunga Middle School zirtirtute, Primary School zirtirtute leh Private school zirtitute mi thahnemtak an kalkhawm a ni.