4288/2024-2025

Dated Kolasib the 17th February, 2025: Vawiin chawhnu khan Kolasib DC Conference Hall ah Chapchar Kut 2025 Kolasiba hman dan tur chungchang rel a ni a. He hun hi Pu Robert C Lalhmangaiha , Kolasib DC chuan kaihruaiin ChapchaKut Organizing committee te an kalkhawm a ni.

He hunah hian DC chuan Chapchar Kut,  Mizote tana kut pawimawh ber leh hlim taka an hman thin chu Kolasibah pawh hlim taka hman a nih theih nan an ngaihtuahna te seng turin a chah a. Chapchar kut chu Mizo nun ze mawi tak leh mizo pi leh pu atanga kan lo in hlan chhawn kan hnam zia rang chi hrang hrang te pho chhuahna a nih avangin chutiang lam hawi zawnga rilru leh ngaihtuahna te sen a pawimawh a ni,a ti. DC chuan Chapchar kut chu Sawrkar Department hrang hrangte pawh in ngai pawimawh a, kut vuakvet a buaipui ngai zawng zawng buaipui a, a tawp thlenga an tha thlah lo turin leh tlawmngai pawl leh hemi lawmna in a kaihhnawih pawl hrang hrangte pawh thawhhona tha tak neih a pawimawh takzet a ni, a ti.

Vawiina thutkhawmna ahhian thurel hrang hrang neih niin, Chapchar kut chu Kolasib Tumpui Field ah District dang te ruala hman nise tia rel a ni a. Kut Pa atan Deputy Speaker, Pu Lalfamkima chu sawm ni se ni se an ti a, kut thlengtu atan Kolasb DC Pu Robert C Lalhmangaiha chu ruat a ni bawk. Hemi ni hi hlim taka thu leh hla leh lam te hmangin hman ho nise tia rel a ni a, felfai zawka ruahmanna a awm theih nan Chapchar Kut working Committee din a ni a, chu working committee chuan sub committee hrang hrangte ina an ruahmanna put luh te en hovin kimchang zawkin kut hman dan tur hi an rel dawn a ni.

Kolasiba Chapchar kut hman dan tur relna ahhian Kolasiba Sawrkar Department hrang hrangte aiawh leh YMA, MZI, MUP,MHIP,MCO, MJA te leh sawm bik mi pawimawhte an tel a ni.