957/2025-2026

Dated Kolasib the 26th June 2027: Vawiin khan MJA Kolasib Press Club ah DIPRO Kolasib leh MJA Kolasib buatsaihin media workshop neih a ni a. He hunah hian Pu Lalmuan Puia, PD( DRDO) chu khuallian niin, District MJA member te an tel kim hle.

Vawiin hunah hian khuallian, Pu Lalmuan Puia chuan tunlai khawvel ah digital media sang chho zelah media workshop an kalpui thei chu a tangkai dawn hle a ni, a ti a. New age media hrang hrang youtube leh social media ten traditional print media a luahlan chhoh lai mekah hian thudik tawklo in mipuite ah chiai na a thlen thin thute tarlangin theihtawpa MJA member te chu tan la a, thudik leh rintlak mipuite hnena chhawpchhuak zel turin a chah a ni. Vawiina an paper presentation neih tur pawh amah ngei pawhin a ngaih pawimawh thu sawiin, mizo tawng ziah dik chungchangte chu kan zir zel a pawimawh a ni ti in, thangthar zel te pawh ina Mizo tawng ziah dan dik tak an hriat chhoh zel theih nan MJA te chu a sulsutu an nih a duhsak thu a sawi bawk.

Vawiin hun hi Pu Andrew Vanlalauva, President, MJA Kolasib chuan a kaihruaia. Kolasib DIPRO , Pu David A Lalhmingchhuana’n welcome speech a sawi zawhin ‘Traditional Media leh new media’, Pu Vanneihtluanga ziah leh ‘Mizo tawng ziah dan dik’, Dr H laldinmawia ziah atangin Pu C Zomuanpuia leh Pu Zairemchhunga hnen atangin zirtirna ngaihthlak a ni. Vawiin hunah hian Kolasib atanga PhD Degree hmu pahnih, Dr R Laltlanzova leh Dr Ricky Lalawmpuia te chu khualzahawm niin, thusawi tha tak tak anni hnen atang ngaihthlak a ni bawk.

Vawiina DIPRO leh MJA ten Media workshop an huaihawt ahhian MJA Kolasib member te bakah 

Kolasib YMA branch pahnih atangin YMA chanchinbu editor te an tel bawk a ni