1964/2025-2026

Dated Kolasib the 2nd September 2025 : Vawiin chawhma dar 11:00 khan Kolasib DC Conference Hall-ah District Consultative Committee (DCC) chuan District Level Review Committee (DLRC) for Quarter Ended June a nei a. He hun hi Pi B. Malsawmtluangi, Kolasib Addl. DC chuan a kaihruai a ni.

Pi B. Malsawmtluangi chuan District Level Review Committee (DLRC) Quarter tina a neih thin chu thil pawimawh tak a nih thu a sawi a. He huna District Consultative Committee (DCC) Member kalkhawmte chu ram chhung mipui sum leh pai deh chhuah kawnga tanpuitu an nih bakah, a vawn dan leh hman dan kawnga zirtirna petu pawimawh tak an nih thu a sawi a. Sawrkar hmalakna tih hlawhtlinna kawngah pawh mawhphurhna lian tak an kuta a awm thu a sawi bawk. Kolasib Addl. DC chuan Sawrkar Line Department kalkhawmte chu tun aia District Consultative Committee(DCC) hmang tangkai leh zual zawk turin he hunah hian a chah nghal bawk a ni.

Pu Thuamzamung Tunglut, Lead District Manager(LDM) chuan he hunah hian District Consultative Committee hmalakna Report pein, Committee Agenda-te sawizauna hun a hmang a. April to June 2025 Quarter chhung hian Financial Literacy Campaign vawi 41 kalpui hman a nih thute, mipui 2,000 awm thlin lohna khua 29 ah Banking Facilities tul zualte pek a nih thu Lead District Manager(LDM) chuan a sawi a. Bank hrang hrangte’n hmunkilkhawr zawka mipui awmte an tlawh thin dan Roadmap-te tarlanna hun a hmang bawk. Kumin April to June Quarter chhung hian Kolasib District DCC Credit Ratio hi 59.46% a nih thu LDM hian a tarlang bawk a ni.

Vawiina Kolasiba DCC Meeting neihna ah hian Kolasib District chhunga Financial Literary kalpui dante, Bank hmunhmaa venhimna kalpui dan turte, khawtlanga mi chanhai leh hnufual zawkte dawmkan dan turte, Farmer's Producers Organisation(FPO) leh an hnuaia Society dingte hmasawnna tur chungchangte, Loneitute leh Ranvulhtute hamthatna turte leh Central leh State Sawrkar hnuaia sum kaihhnawih Scheme hrang hrang – PMJDY, PMMY, KCC Loan leh a dangte mipuite hnena tha taka a thlen dan turte sawihona hun neih a ni a.

District Level Review Committee (DLRC) for Quarter Ended June 2025 vawiin a hmannah hian Pu JD Traite, District Development Manager, NABARB bakah Sawrkar Allied Department-a hotute leh Kolasib District chhunga Bank hrang hranga hotute kim takin an kal thei a ni.