1187/2025-2026

Dated Kolasib ,the 15th July, 2025: Vawiin khan Kolasib Deputy Commissioner Conference Hall-ah Pi B. Malsawmtluangi, Addl. DC hovin District Education committee chu an thukhawm a. Kum 2024 atanga 2025 chhunga Kolasib District chhunga zirna an kalpui tawh dan kawng hrang hranga an achievement report te ,2025-2026 atana an hmalakna tur hrang hrangte leh Annual Work Plan leh Budget te thlir ho a ni.

He hunah hian Pi B. Malsawmtluangi Addl. DC chuan District Education Committee meeting an thukhawm thei chu lawmawm a tih thu a sawi a. Zirna chu ngaih pawimawh a tul thu leh zirlai te tan environment tha a ngaih thu sawiin, zirlai ten study environment tha tak an neih theih nana hmalak chu an tihmakmawh a ni, a ti.

He thutkawmah hian Pu Vanlalchhana, Member Secretary & District Education Officer, Kolasib ni bawk hnen atangin Kolasib District huamchhunga kum 2024-2025 chhunga zirna leh a kaihhnawih Achievement & Progress of inclusive  education & Civil works, Samagra Siksha hnuaia programme chi hrang hrang Report chipchiar takin Powerpoint hmanga thlir ho a ni . Annual Work plan & Budget 2025-2026 pawh thlir ho nghal niin pawm a ni a. He budget hi UDISE Plus 2023-2024 data hmanga siam niin sawrkar school leh Samagra school hrang hrang enrollment te, zirlaibu leh uniform te leh activity hrang hrang atana senso tarlanna (costing sheet) te leh thil pawimawh dangte a tel a ni.