4233/2023-2024

Kolasib: Dated the 18th March, 2023:  Vawiin khan DC Conference Hall, Kolasibah District Level Committee on MGNREGS Convergence 2024-2025 chuan thutkhawmna neiin Pu John LT Sanga, Deputy Commissioner, Kolasib chuan hun a kaihruai a ni.

Vawiin thutkhawmna ah hian MGNREGS convergence plan 2024-2025 chungchanga Bilkhawthlir RD Block leh Thingdawl RD Block huam chhung a Village Council level atanga rawtna lut te chu Block level ah ruahmanna siam a nih hnu ah scheme hrang hrang kaltlang a line department ten an lo puih theih dan tur sawi ho a ni a. Sangha dil hmun siam thar tur leh a awmsa  thawmthat dan tur te, Sangha chi sem chungchangte, Horticulture department hnuai a thlai tiak sem kalpui te, Social Welfare department hnuai a Anganwadi centre a inthiarna leh tui intur pek chungchang te sawi ho a ni a. PMAY-G scheme kaltlang a insak tanpuina tih changtlun lehzual nan Swacch Bharat Mission leh Jal Jeevan Mission nen a tankawp dan tur te leh LPG Connection pek chhuah nana PMUY hman tangkai dan tur te sawi lan a ni bawk. Horticulture leh Agriculture hnuai a FOCUS kaltlang a huan, lo, ram neitute tan dil khuah te, vawk in sakna turte leh ar note sem chungchang te sawiho niin vantlang tan a bawlhhlawh dahkhawmna hmun buatsaih leh inthiarna siam chungchangte sawiho a ni. Vawiin a rawtna hrang hrang lutte hi chipchiar tak a sawiho a nih hnuah State level-ah thawn chhoh leh tur a ruahman a ni ang.

Vawiin thutkhawmna ah hian Pu Lal Muanpuia, PD, DRDO, Pi F Lalnisai, BDO Thingdawl, Pu Vanlalpeka APO, Bilkhawthlir leh Kolasib District huam chhung a Line department-a hotute an tel a ni.

Attachment

  • Loading attachment...