3733/2024-2025

Dated Kolasib; the 9th January, 2025 : Vawiin khan Kolasib DC Conference Hall-ah District Level Consultative Committee Meeting on Campaign for Jan Suraksha Schemes at Gram Panchayat level review neih a ni a. He hun hi Kolasib DC Pu Robert C. Lalhmangaiha chuan Chairman niin a kaihruai a. Pu PC Lalnunpuia, Lead District Manager Kolasib, Convener ni bawk chuan an meeting chhan leh thurel turte sawizauna hun a hmang bawk.

He thutkhawmna kaihhruaitu Kolasib DC Pu Robert C. Lalhmangaiha chuan he huna kalkhawte hnenah kum thar chibai bukna neiin, Jansuraksha Campaign Review Meeting nei tura ruahmanna lo awm tawh chu a hun taka neih a ni thei chu lawmawm a tih thu a sawi a. District Level Consultative Committee (DLCC) te chu mipui rawngbawltu an nih angin Sawrkar-in mipuite tana hamthatna a ruahmante kawhhmuh leh hrilhfiah ngaite hrilhfiahtu an ni tih hrereng turin a chah a. Kolasib DC chuan DLCC Member lo kalte chu Bank leh Financial Institution lama a chinchang hretute an nih ang ngeiin mipuite zirtirna petu pawimawh tak an nih thu a sawi bawk.

Jan Suraksha Schemes Campaign hi Ministry of Finance hnuaiah awmin thla thum chhung; ni 15.10.2024 atanga ni 15.01.2025 chhung a neih tura ruahman a ni a. Hemi hian a tum ber chu tuna Social Security Scheme pahnih awm mek Pradhan Mantri Jeevan Jyoti Bima Yojana (PMJJBY) leh Pradhan Mantri Suraksha Bima Yojana (PMSBY) te Enrollment tih pun leh Village Council / Gram Sabha tina Campaign neih a ni a. Heng an hmalakna leh an Mapping tih tawh te hi Jansuraksha Portal ah update thin a ni.

Kolasib District chhungah Jansuraksha Campaign hi District chhunga Bank hrang hrang 21 ten an kal pui mek a. PMJJBY hnuai Campaign Target Achievement 865 chu 1232 in an khum tawh a. PMSBY hnuai Campaign Target Achievement 1006 awm chu 1385 in an khum thei bawk a ni. Tun dinhmunah Village Council 52 ah Jan Suraksha Campaign hi kalpui tawh niin, Campaign kalpuina tur Village Council 4 ah a la awm a. January ni 15.01.2025 hmaa Jan Suraksha Schemes Campaign hi Kolasib District-ah zawh hman tur in he thutkhawmah hian rel a ni bawk.

Vawiin a DLCC Review Meeting on Campaign for Jansuraksha Schemes at Gram Panchayat level Kolasib a neih ah hian Kolasib Deputy Commissioner, Lead Bank Manager, Nabard DDM, Official te leh Kolasib khawchhung leh kawpawn a Bank hrang hrang aiawhte an tel a ni.