2500/2025-2026

Kolasib, the 3rd December, 2025: Vawiin khan Deputy Commissioner Conference Hall Kolasibah District Level Monitoring Committee Under Prime Minister’s Employment Generation Programme (PMEGP) thutkhawmna neih a ni a. Pu Lalmuan Puia, Vice Chairman District Monitoring Committee, PMEGP leh DRDO Kolasib nibawk chuan he hun hi a kaihhruai a ni.

Vawiin thutkhawmah hian Kolasib District huamchhuangah PMEGP loan pending case la awm chungchang sawiho a ni a, bank lam hotute chuan loan an la sanction theihloh chhan  hrang hrangte an sawihfiah  a. DCIO-in PMEGP scheme a kalpui atanga Kolasib District-ah kumin April thla atanga ni 2 December, 2025 thleng khan dilna 42 a lut a, chutih rualin loan sanction tawh chuan 2025-2026 target a la phak loh avangin inhrilhhriat a, a rang lama bawhzuihna kawngah te Monitoring Committee te chu tang lehzual tura infuih thar a ni. India Postal Department, Kolasib chuan an verification chungchangah hma an lak that thei nan Post Office lam harsatna chingfel turin DCIO, Chairman leh Vice Chairman, DLMC- PMEGP in hma lo la se tiin committee chuan  a rel a. PMEGP Portal-ah SBI Kawnpui Branch map a la ni lo thu tarlan a ni a, KVIC headquarter lamah hma la tur a bawhzuih nise tih rel a ni bawk.

Vawiin thutkhawm ah hian Pu Lalmuan Puia,  Vice Chairman PMEGP district committee & DRDO Kolasib, Pu Lalthangkima, District Commerce & Industries Officer Kolasib, Pu Thumzatunglut, Lead District Manager leh Pu JD Traite, NABARD Manager leh Bank hrang hranga thawktute an tel a ni.