787/2025-2026

Dated Kolasib the 10th June, 2025: Nimin chawhma khan Kolasib DC Conference Hall-ah District Planning Committe an thukhawm a. He thutkhawmna ahhian Dharti Aaba Janjatiya Gram Utkarsh Abhiyan (DAJ-GUA) leh India ram danpui Article 275 hnuaia Schedule Tribe mipuite'n hamthatna an dawn theih dan chungchangah te inhrilhhriatna leh kum 2025-2026 Financial Year a telh tur project hrang hrang Line Department atanga lo lut te sawiho na hun hman a ni.

He hun Pu Robert C. Lalhmangaiha, DC Kolasib kaihhruaiah hian Pi Biakthansangi Hrahsel, Deputy Adviser, Planning & Programme Implementation chuan India danpui Article 275 leh DAJ-GUA chungchang sawifiahna a nei a. Article 275 hnuaia Tribal mipuite puala hamthatna awm theite hmu turin District Level-ah Proposal theh luh angaih thu leh a thehluh dan turte a sawifiah a. DAJ-GUA hnuaiah erawh Kolasib District chhungah khaw sawmpakua (19) thlan bikte hnenah hamthatna dil tur a awm thu a sawi a. DAJ-GUA Scheme hnuaiah hian zirna lam leh vantlang sumdawnna hmun (Market Place) tha siam a rem thu leh ruahmanna a awm thu he thutkhawm ah hian sawi a ni a. He Scheme-in a tum ber chu tualchhung Level atanga Sector hrang hrangte'n an mamawh tak hmasawnna hna thawh tur hriatfiah a nih thu he Meeting-ah hian tarlan a ni bawk.

He thutkhawm a hian District Planning Committee-a Department hrang hrangin hmasawnna hna thawh tur Proposal an neihte sawiho niin, Proposal Submit tur la neite chu a rang lama an Proposal-te Submit turin an inhriattir a. Heng Proposal-te hi State Level-a endik a nih hnuah Central Sawrkar a thehluh leh tur a ni ang.