916/2025-2026

Dated Kolasib the 25th June 2025: Vawiin khan Kolasib DC conference hall ah thla thum chhung awh tur, mipuiten Bank leh Bank kaltlanga sawrkar schemes te an hman tangkai zawk theihna tur 3 months Financial inclusion saturation camp neih dan tur sawiho in Kolasib District a Bank hrang hrang aiawhte leh sawrkar Department thenkhat leh VC aiawhte an thukhawm a. He thutkhawmna hi Kolasib DC Pu Robert C Lalhmangaiha chuan a kaihruai a ni.

He hunah hian Kolasib DC, Pu Robert C Lalhmangaiha chuan vawiina Financial Inclusion saturation campaign ngaihtuahho tura kal te chu lawmthu hrilh in, Kolasib mipuite, a bik takin kuthnathawktute , loneitute leh sawrkar a eizawnna nghet neilo ten an hamthatna an hriat a , an chanvo te an chan theih nan he campaign hmang hian theihtawp chhuah turin a ngen a. Loneitute leh kuthnathawkten sum tlem te te an lo khawl a an tihpun theihna tur atana thil pawimawh ang angte chu ngawrh lehzual a hrilhhriat a pawimawh a ni, tiin, he program a hlawhtlin theih nan a mawhphurtu zawng zawng; Bank aiawhte, VC leh BDO lam te pawh nise, thawhhona tha an neih a tul takzet a ni, a ti. DC chuan he campaign rual hian Financial literacy pawh inzirtirna pek tel theih zel nise a tangkai lehzual dawn a ni, a ti bawk.

Pu PC Lalnunpuia, Lead District Manager in vawiina an thutkhawm chhan sawiin, Saturation camp chu July 1 atanga September thla tawp thleng neih tur a ni, a ti a.He hunah hian mipuite tana tangkai tur KYC reverification te, PMJDY,PMJJBY leh PMSBY leh atal pension yojana enrollment leh renewal te VC tinah neih tur a ni, a ti a. PMJJBY chungchang sawizau in, enrollment a awm thar reng a amaherawhchu renewal rate a that tawkloh thu sawiin, a scheme chungchangah inhrilhfiah zual angai hle a ni, a ti.

LDM hian Bank mai nilo BDO leh  VC  te nena thawhhona tha an neih a pawimawh a ni tiin, theihtawp chhuah ho turin kalkhawmte chu a sawm nghal bawk a ni.

Pu JD Traite, District Developmeny Manager, Nabard pawhin thu sawiin, nakum financial year 26-27 atana credit plan siam chhngchangah hma an  la chho zel  a ni, a ti a. Kum tina farmer ten awlsam zawka loan leh thil dangte  an lak theih nana plan siam thin chu credit plan a nih thu sawiin,Bank te, an thawhpui department te leh farmers leh producer te leh society te nen tangruala credit plan chu duan a ni thin a ni, a ti bawk.

Saturation camp atan hian khaw hrang hranga Bank ten an chanvo tur atan a an insem, road map chungchang pawh vawiinah hian ngaihtuah nghal a ni a. He roadmap hi pawm niin, tihdanglam ngai a awm anih chuan a tula anga inhrilhhriat leh nise tia rel a ni a. An weekly Performance report pawh thlatina DLCC meeting neih thinah pek nise an ti bawk.

Vawiina Saturation camp chungchang sawiho na ahhian Kolasib DC bakah Pu Lalmuan puia, PD (DRDO) te , Pu PC. Lalnunpuia (LDM) te, Pu JD Traite( NABARD) te , Thingdawl BDO te leh Kolasib District a bank hrang hrang aiawhte leh VC te an kalkhawm a ni.