611/2025-2026

Dated Kolasib the 28th May, 2025: Vawiin khan Kolasibah hnam puanzar nen a kawng zawhna hun “Tiranga Yatra” chu hman a ni a. He hunah hian Ex Servicemen, zirlaite leh department hrang hrang hotuten ten hnam puanzar kengin Kolasib DC Office atanga Diakkawn kawn thleng kawng an zawh.

He Tiranga yatra hi Kolasib District Civil Defence committee ina a rel tawh bawhzuina a ni a. He hun hawnna hi Pu Lalmuan Puia, PD,DRDO Kolasib chuan hmangin, India ram chu Pakistan nen kan buaina ah hnehna changtu kan nihzia te leh India ram chu remna leh muanna duh, amaherawhchu a mipuite himna atan chuan tiam chin awm lova ke pen ngam a nih thu sawiin, ram leh hnam tana huaisen taka ding zel turin kalkhawmte chu a chah a ni.

Diakkawn kawn lai takah hian Pu Robert C Lalhmangaiha, Kolasib DC chuan thutawi sawina neiin, India ram venhimna atana kan sipaite inpekna te hria a zirlai naupang kalkhawmte pawh ram chhan nana mi huaisen leh hlawhtling ni turin a chah a. Operation sindoor a hnehna kan chan chu India mi zawng zawngte tan hnehna a ni, tiin, kan ram tana engtiklai pawh a huaisen taka kan awm reng a pawimawh a ni, a ti. DC chuan kalkhawmte chu India ram mai nilo, Mizoram leh khawtlang leh kohhran tana mi tangkai leh hlawhtling ni tura a duhthusam thu sawiin, hmalam pana ke kan pen zel a pawimawh a ni, a ti. Vawiina kalkhawm, a bik takin ex servicemen te leh zirlaite chungah lawmthu a sawi bawk.

Vawiin huna kawng zawhna ahhian Subedar Major & Honorary Captain Lalengliana, Kolasib District Ex-Servicemen League President in kalkhawmte aurinna hmanga kaihruaiin, Vande mataram , victory to our motherland tihte leh jai hind tia au rual a ni.