3457/2024-2025

Dated Kolasib the 10th December, 2024: Vawiin khan District Sericulture Office, Kolasibah pangang khawitute tan Silk Samagra-2 training buatsaih a ni a. He hun hi Pu V.Zothansanga, Director of Sericulture, Aizawl chuan hmanpuiin, Pu Lalrinawma, Joint Director leh Pu B. Lalchhuana, Deputy Director (Tech) te chuan Director hi an tawiawm a ni.

Pu V. Zothansanga chuan Pangang khawitute hma a thu sawi thei a a awm chu lawmawm atih thu a sawi a.  India ram chu khawvela silk pangang tharchhuah a a pahnihna a nih mek thu sawiin khawvela a ber nih tum in Central sawrkar in hma a la mek a ni, a ti a. Silk Samagra-2 project kalpui mek chu Fifteen Finance Commission hnuaia a tawpna tur a nih thu sawiin, Pangang khawitute  tuna an tharchhuah dan chu 16 Finance Commission ah tanpuina an dawn theih dawn leh dawn loh tehfung ah an hmang dawn a ni a ti . Director chuan tanpuina dawn zawh ruala tawpsan mai an lo awm tawh thin thu sawiin, chutiang nilova tanpuina dawn chu bul tanna atana hman anih a pawimawh thu sawiin, Pangang khawitute tan teirei peih leh taihmak a pawimawh thu a sawi a. Project in a tum ang ngei a ti puitling ngei turin kalkhawm te a chah bawk.

He training  hi Pu B.Zonuntluanga, District Sericulture Officer, Kolasib chuan a kaihhruai a. Pu Lalrinawma, Joint Director leh Pu B.Lalchhuana, Deputy Director (Tech) te leh Pu Lalhriatpuia, Silk Cocoon Processing & Marketing Industry te hnen atangin Pangang khawitute tana hriattur thu pawimawh tak tak ngaihthlak a ni a. Pi Christina Lahruaitluangi, SEO Kolasib chuan Powerpoint hmangin pangang khawitute tana tul leh pawimawh chi hrang hrang zirtirna a pe bawk. 

Training ahhian Kolasib District chhungah Silk Samagra - 2 Project hnuaia Project pahnih- Eri Silk Development Project leh Augmentation of Muga Culture in Mizoram te kalpui mek dan zirtirna neih a ni a. Eri Silk Development Project hnuaiah hian Kolasib District huamchhungah beneficiaries 110 awmin, Muga Project hnuaiah hian beneficiaries 44 an awm mek a ni.