4062/2024-2025

Kolasib Dated the 3rd February, 2025 : Vawiin khan Kolasibah February ni 12, 2025 a Village Council inthlanna lo awm tur pualin Polling Officials-te tan Training buatsaih a ni.

He Training hi Govt. Kolasib College-ah neih a ni a. Pi Doris Lalrinawmi, BDO Thingdawl, Pi Zorinsangi, SDC leh Pu Lalthanzuala, SDC-te chuan Training hi an pe a. Presiding Officer 91 leh Polling Officer 173 te he hunah hian an kalkhawm thei a ni. 

Kolasib District chhunga Village Council Electoral Roll-a a lan danin 4-Turial (ST) A/C ah chhungkua 5,598 awm in, Voters Mipa 8,966 leh hmeichhia 9,441; an vaiin 18,407 an awm a. 5-Kolasib (ST) A/C ah chhungkua 6,698 awm in, Voters Mipa 11,120 leh hmeichhia 12,604; an vaiin 23,724 an awm a. 6-Serlui (ST) A/C ah chhhungkua 6,064 awm in, Voters Mipa 10,331 leh hmeichhia; 10,883 an vaiin 21,214 an awm mek a ni. Heti hian Kolasib District huamchhung ah Chhungkua 18,360 awmin, Voters Mipa 30,417 leh hmeichhia 32,928, a vaiin 63,345 an awm mek a ni.

Village Council inthlan lo awm tur pual hian January ni 28, 2025 khan Training hi neih a lo ni tawh a, vawiin a Training hi a thawhhnihna niin Village Council Inthlanna thianghlim leh felfai tak a awm theih nan inkaihhruaina leh hriattur pawimawhte inzirtirna hun atan hman a ni a. Election Officer Pu H. Lalramliana, SDO(S) Kolasib chuan Training hi a ho thei bawk a ni.