No.7947/2020-2021

Dated Kolasib the 27th March 2021 : Directorate of AYUSH, National AYUSH Mission buatsaihin vawiin khan Anganwadi Centre No. 20, Vengthar Kolasibah OBSERVATION OF POSHAN PAKHWADA neih a ni a. He hunah hian Dr. C. Vanlalhlimpuia, District Medical Officer (AYUSH) chuan POSHAN PAKWADA awmzia sawifiahna neiin, he Programme-in a tum ber chu hmeichhia leh naupangte hriselna kawnga hmasawnna ngaihtuah a nih thu a sawi.

Powerpoint Presentation hmangin naupang, naupawm, raipuar leh hmeichhe tleirawlte hriselna leh ei tur tha mamawh dan chungchang sawina hun a hmang bawk a ni. He Presentation-ah hian Dr. C. Vanlalhlimpuia chuan huan leh kawtkai bazaar-a kan hmuh phak eitur chi hrang hrangte Nutritive Value sawifiahin taksa hriselna atana kan mamawh dan te a tarlang bawk a ni.

AYUSH Physical Stress Management Instructor, Pu R. Lalhmangaihzuala’n Demonstration of Breathing Exercise neiin, raipuarte leh thaw hah neite inenkawlna atana zawm tur thil chi hrang hrang entirna hun a hmang bawk a ni.
POSHAN PAKWADA hmanna Programme pual hian Free Clinic buatsaih nghal niin AYUSH Doctor Dr. C. Vanlalhlimpuia, Dr. Ruthi Vanlalmalsawmdawngkimi leh Dr. F. Zothanmawia te'n a duh apiangte tan inentirna hun an hmang a. Inentir zingah hian nu naupai 6, naute hnute pe lai 11 leh hmeichhe tleirawl 22 bakah naupang 52, an vaiin mi 91 an inentir a ni. Hei bakah hian vawiina inentirte hnenah hian an mamawh ang damdawi leh eitur tha  AYUSH-a thawktute hian a thlawnin an sem nghal a, Anganwadi Centre-a thawktute'n an tawiawm bawk a ni.