4355/2024-2025

Kolasib, 20th February 2025: Tukin zing dar 7 khan 'Mizoram State Day of Prayer' chu Kolasib DC office kawt ah hman a ni.

State Day of Prayer puala tawngtai rual inkhawm Kolasiba neih hi Rev Laldintluanga , PCI Hmarveng Pastor Bial chuan a kaihruai a. Kolasib DC Pu Robert C Lalhmangaiha chuan inlawmna thu sawiin, Kolasiba Kohhran hrang hrangte ina vawiin hun ngai pawimawh a anlo kalkhawm thei chu a lawmawm a tih thu a sawi a. Kan nitin nunah leh ram leh khawtlang kan kaihhruaina ah tawngtaina chu a pawimawh takzet a ni, tiin, vawiin a an tawngtairualna pawh in rah duhawm tak a chhuah ngei a beisei thu sawi bawk.

He hunah hian Fr. Andrew Lalbiakfela , Parish Priest Kolasib hnena tangin thuchah ngaihthlak a ni a. Mizoram a remna leh muanna a awma, zu leh ruihhlo laka kan fihlim theih nan leh hlemhletna lak atanga kan ram hruaitute an fihlim a hmangaihna leh dikna a ro an rel zel theih nan kalkhawmte chu tawngtai turin a sawm a. Hla sak hona - Aw nang Kan Lal Kan Pathian (KHB No 585) te leh mal zai te ngaihthlak a nih hnu in tawngtai rualna hun hi hman a ni

Tukina Kolasiba State day of prayer hmanna ahhian Kohhran hrang hrang atangin kohhran members leh hruaitute thahnem tak an kalkhawm a, heng bakah hian Sawrkar Office thenkhat atangin an kalkhawm bawk a ni. Tawngtairualna neih a nih zawh hian Rev Lalnunsiama Sailo, BCM in malsawm tawngtaina in tukin zing hun hi a khar a ni.