3182/2024-2025

Dated Kolasib the 25th November 2024: Vawiin khan Kolasib DC Conference hall ah kum 2025 a Village council inthlan neih tur atan Electoral roll summary revision neih dan tur chungchang inzirtirna neih a ni.

He hunah hian Doris Lalrinawmi ERO  BDO thingdawl, chuan zirtirna pe in, vawiin, Nov ni 25 atanga Dec ni 9 thleng Village Council roll a luh dil hun hawn a nih thu sawiin, hemi atanga ERO leh AERO ten an hriat tur pawimawh hrang hrang te hrilhfiahin zirtirna a pe a. Training a tarlan a nih angin, January ni 8, 2025 ah Village council final roll hi tihchhuah tur a ni.

Vawiin a Training-na ah hian VC inthlan lo awm tur atana hriattur pawimawh bakah Electoral roll a mi thun theih leh theih loh chin te zirhona neih niin e-roll a inthun emaw inpaih tura document pawimawh ngaite zir hona neih a ni a. VC roll ah hian Non tribal te chuan vote an nei thiang lo tih sawiin, hei bakah hian Raltlan ten vote an neih theih loh thu tarlan a ni bawk.

Kolasib District chhungah Village Council Election atan hian ERO 5 leh AERO 14 awmin, VLO (Village Level Officer) 83 an awm bawka, VLO te pual hian vawiin vek chawhma khan training hi neih a ni a, Form-3 (E-roll a lut thar thunna), Form-4 (E-roll atanga in paihna) leh Form-5 (E-Roll a correction siamna) leh thil pawimawh dangte ngun lehzuala zirhonna neih a ni.