No.6778/2020-2021

Kolasib 5th December 2020: Krishi Vigyan Kendra (KVK) Kolasib chuan vawiin Ni 5.12.2020 (Inrinni) dar 11:00 am khan, KVK Training Hall-ah 'World Soil Day' kan hmang a, he programme-ah hian Dr. Michelle C. Lallawmkimi, Senior Scientist & Head chuan programme a kaihruai a, Pu V. Vanlawma, District Officer, Land Resources, Soil & Water Conservation Department, Kolasib District chu Khuallian niin he hun hi a hmanpui a ni. 

Khuallian chuan Loneitute hnenah leilung pawimawhna hrilh hriain buh leh bal, thlai tharchhuah kawngah nasa zawk a tan la a Kolasib District pum chawm thei tur a hma la turin kal khawmte fuihna hun a hmang. He programme-ah hian Buhchangphai leh Lungdai Loneitu mi 105 hnenah Soil Health Card semchhuah a ni. Chawhnu lamah Pi Dr. Carolyn Zothansiami, Subject Matter Specialist (Soil Science) in farmers hnenah zirtir a pe chhunzawm nghal a ni.