KPop Contest Preliminary Round, Aizawla neih tur atana inbuatsaihna thlirin vawiin khan Chief Secretary Pu Lalmalsawma hovin Chief Secretary's Conference Hall-ah Organising Committee member-te an thukhawm.

Tarlan tawh thin angin MZU Multipurpose Hall ah ni 25.7.2015(Inrinni), tlai dar 5 ah KPop Contest neih a ni dawn a, he hunah hian Korean Pop Star Hyemin Jung a lo tel ang. Tlai dar 3 ah Hall hawn tan a ni ang a, dar 4:45 ah khar a ni ang. Mizo cultural troupe-te’n Mizo hnam lam an entir ang a, Mizo zaithiam zai en tur a awm dawn bakah he contest entute hian a thlawnin K-Pop T-shirt an dawng vek dawn a ni.

Ticket hi pakhat Rs. 500 man a ni a, heng hmunah te hian lei theih a ni:- Active Sound, Chanmari ,Ramhlun Road; GI Infotech, Zarkawt Opposite Vanglaini  Office; Era Boutique, Millenium Center Ground Floor; Royal Enfield, Bullet Bike Zawrhna, Sikulpuikawn; Pi Zonunthari, Under Secretary, Tourism Deptt. Room No. 108, Annex-II, Treasury Square #9862310027; Ms. Lalnunmawii, IPRO, I&PR Office, Treasury Square #8575180289; Ms Lalrinchhani, Tourist Officer, Dte of Tourism, Khatla #9856835391; Ms. Linda Thansangzuali, Assistant, GAD. # 9436141689

Online a inelna neih a nih hnuah KPop Contest Preliminary Round, Aizawla  tel thei tur zingah hian Mizo pawh thlan chhuah an ni nghe nghe a. Category chi hnih – zai leh lama intihsiak tur niin preliminary round paltlang hnua Grand Finale, New Delhi inelna a Grand Finale Dance a pakhatna te hian Hyundai i10 Grand an dawng ang a, Grand Finale Song a pakhatna te hian Samsung S6 Edge 64GB an dawng thung ang.  Heng inelna chi hniha lawmman pakhatna dawngtute chuan Korea ramah a thlawnin an zin ang a, K-Pop World Festival, Changwon, South Korea-ah India ram aiawhin an tel ang. K-Pop World Festival hi South Korea sawrkara Ministry of Foreign Affairs, Ministry of Culture, Sports and Tourism leh Korean Broadcasting System (KBS) tangho buatsaih a ni.