Vawiin khan Mamit I&PR Conference Hall-ah  Agriculture Department huaihawtin Mamit District chhunga loneitu thlanchhuah te hnenah Dr Seema Gaur, IES Chief Economics Adviser, Ministry of Rural Development chuan Loneihna hmanrua a sem.

Dr Seema Gaur chuan Mamit District chu India ram District chawikan ngai 117 zingah thlan a ni a, Loneitute tih hmasawnna tura programme buatsaiha a tel thei chu lawmawm a tih thu a sawi, Mamit District chhunga chengte chu Skill Development, Agriculture, Education, Electric, Bank Account leh Life Insuarance ah te chawikan leh dawmkan tum kan ni a, mipuite chu Sawrkar hmalakna hrang hrangah te theihtawp chhuaha tawiawm zel turin a sawm a ni.

He hun hi Pu C. Lalengzauva District Agriculture Officer chuan a kaihruaia, Pi H. Lalchhandami, CEO, MzSRLM leh Pu CC. Lalchuangkima, Deputy Secretary RD Department ten an telpui bawk.

Krishi Kalyan Abhiyan hnuaiah hian Mamit District chhunga khaw thlan chhuah 25 ah hmalak tum a ni a, vawiin hian Darlak, Dampui leh Kawrtethawveng khua-a loneitu thlanchhuah mi 46 te hnenah hmanraw hrang hrang pek an ni. Heng khaw thlanchhuahte tan hian District Agriculture  Office-ah  hmanraw hrang hrang man pangai aia tlawmin lei theih a ni.

 

Attachment

  • Loading attachment...