3827/2024-2025

Kolasib Dated 16th January, 2025: Vawiin khan Krishi Vigyan Kendra (KVK), Kolasib District leh Central Potato Research Institute (CPRI), Upper Shillong, Meghalaya-te tangkawp chuan an hnen atanga Alu chi dawng tawhte Training pein tunlai thiamna hmanga alu hlawk zawk leh tha zawka thar dante inzirtirna hun an hmang a. He hunah hian thlai chi sem chhuah nghal a ni bawk.

He hun hi Dr. Michelle C. Lallawmkimi, Senior Scientist & Head, KVK Kolasib in a kaihruai a. Pu Lalnunpuia, District Horticulture Officer (DHO), Kolasib District  chu khuallian a ni. 

Khuallian Pu Lalnunpuia chuan Kolasib District a Loneitute chu Sawrkar Department bakah KVK leh ICAR a mithiamte’n an thutchilh chu an vanneih thu sawiin an thurawnte tha taka zawm zel turin a fuih a. Dr. Ngursangzuala Sailo, Senior Scientist (Plant Physiology), Central Potato Research Institute (CPRI), Shillong hnen atangin thusawi ngaihthlak a ni bawk. 

Chawhnu lamah Training neih chhunzawm niin, alu chin leh enkawl chungchanga hriattur pawimawh hrang hrangte in hrilh hriatna hun hman a ni a, zawhna leh chhanna hunte hman nghal bawk niin Loneitute leh mithiam kalkhawmte’n inkawm hona hun hlawkthlak tak an hmang ho thei a ni.

He hunah hian Kolasib District-a khaw hrang hrang pariat (8) atangin loneitu sawmli (40) te an tel thei a. Pu PC Lalrintluanga, Subject Matter Specialist (Horticulture) lawmthu sawiin  he hun hi a khar a ni.