No.2921/2021-2022
Aizawl 9th November 2021: Vawin khan Kvk Mamit district Lengpui chuan darlak agriculture IB ah ICAR North Eastern Hills Programme bultum in loneitu te hnen ah hmanraw hrang hrang buh vuakna (paddy thresher), leilet a thlur siamna ( wheel hoe) , leh thlasik thlai chi hrang hrang an sem.

He programme hi Dr Vanlalhruaia Hnamte, Senior Scientist and Head, KVK Mamit District in kai hruaiin, Mamit district chu Aspirational District kan nih vang a duhsakna hrang hrang kan dawn te hman tangkai thiam a thahnem ngai taka thlai chi leh hmanrua te kan hman a tul a ni, tiin loneitute chu duhsakna a hlan a ni.

Hmanraw chi hrang hrang hlan zawhah vawiin vek khan Pu VL Remruatpuia leilet (zawl zau farm) hmun a KVK in Alu variety hrang hrang an en chhin na (demonstration) ah zirtir na hun hman a ni a, hetah hian Dr Rohit Shukla Subject matter Specialist (Horticulture), KVK chuan zirtirna a pe a ni.

Kumin chhunga Darlak chhehvel a National Food Security Mission hnuaia Tel antam, ram 50 hectare a chintir tur farmer thlanbik te hnen ah tel an tam chi hi an sem nghal bawk a ni.