2704/2022-2023
Kolasib: Dated the 17th November, 2022: Krismas leh Kumthar vuakvet laiin halpuah leh halmawi hal avangin boruak tha lo tam tak a insiam bakah ri bengchheng siamin mihring hriselna a khawih pawi thei tih hriat a ni a. Hetianga boruak chhe lengvel hian mipui zingah harsatna tha lo tak a thlen theih avangin mipui hriselna venhim a nih theih nan khapna thupek Kolasib District mipuite hriselna venhim a nih theih nan leh Krismas leh Kumthar him leh thlamuang taka mipuiten an hman theih nan District Magistrate, Kolasib District chuan a hnuaia mi ang hian thupek a chhuah.
1. Kolasib District huamchhungah Krismas 2022, Kumthar 2023 vuak vetah- Halpuah, halmawi, sky lantern leh puak thei thil dang, boruak thalo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni.
2. Naupang silai lem a mu kap chhuak thei chi reng reng lakluh, zawrh leh hman khap tlat a ni.
He thupek zawm lote chu Section 188 of Indian Penal Code hmangin hrem theih an ni ang.
He thupek hian thu leh awm hma chu puan a nih atanga thlahnih(2) chhung a huam ang. Khapna thupek hi vawiin 15th November, 2022 hian court seal chhu a nemnghetin hming a ziah hnan a ni.
