No.1848/2021-2022

Aizawl, 14th August, 2021 : Kristian MP te puala YMCA, New Delhi leh Indian Christian Parliamentarians Council buatsaih, Felicitation Programme, August 12 a neih ah Kristian MP te aiawha tel, Pu C.Lalrosanga, MP (Lok Sabha) leh Pu KJ Alphons, MP(Rajya Sabha) te chu New Delhi a YMCA leh Indian Christian  Parliamentarians' Council hotuten lawmpuina thilpek an hlan.

Pu C. Lalrosanga chuan MP te puala programme ah hian thu sawiin Kristian MP ten an mawhphurhnate Parliament ah an țha taka an hlen chhuah theih nan anmahni finchhuah a,  thurawnte pawh pe ṭhin turin YMCA  hotute leh kohhran hrang hrang hotute chu a ngen a. India hmarchhak biala Kristian MP dangte nen pheikhai rual taka hma lak a beisei thu a sawi.

Lok Sabha leh Rajya Sabha term kal mekah hian Kristian MP 22, Lok Sabha ah 12 leh Rajya Sabha ah 10 an awm a ni.