No.1656/2021-2022

Aizawl 1st August, 2021: Aizawl DC chuan Kulikawn hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Kulikawn hmun thenkhat chu Micro-Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Kulikawn hmun tarlan te hi ni 01.08.2021 (Pathianni) Tlai dar 4:00 atangin Micro-Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh  SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova,  veng leh veng inkalpawhna kawng (main road) erawh chu  ding lova tlan tlang phal  a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

KULIKAWN Micro-Containment Zone/Area:

“Kulikawn CP Road (YMA Hall bul): Pu Ramhlunsanga Building atanga Pu F. Tialkima building inkar”

(Total No. of Household Contained: 16)

Buffer Zone:

Chawngbawla Section: Pi Hmingthanzami building, Pu James Dokhuama (L) Building leh Pu Zoramchhana Building.

Taitesena Section: Pu Rongenga (L) Building.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.