Thiante u,
1. Republic day champha phak 60-na hun pawimawh takah hian Mizoram mipui zawng zawng leh vawiina helai hmuna lo kal te hnenah hian duhsakna hlanin chibai ka buk a che u. January ni 26, 1950 kha India ram chanchina ni pawimawh leh chhinchhiah reng tur a ni a. Khami ni a\ang khan India Danpui chu a taka hman \an a lo ni ta a. He India Danpui hi a pianhmang rengah mipuite tan niin lal chhungkua inthlah chhawng rorelna a ni lova. A danglam leh chungchuanna em em chu mipuite rorelna ram a nihna hi a ni. India Danpui thuthlung hmasa ber chuan mipui rorelna atana thil pawimawh hmasa zual Dikna, Zalenna, Intluktlanna leh Inunauna a tarlang a. India Danpui hnuaia rorelna khawl peng hrang hrang te chuan mipui rorelna kengkawhin roreltu thlan theihna te, mahni dikna leh chanvo humhalh theihna te, thuchhe remna ding hrang te hian a ti ngelnghet a ni. Danpui hi politics boruak inlumlet hrinchhuah satliah mai ni lovin, mipui thlanchhuah te leh dan leh hrai lama mithiam tak tak ten uluk taka an zir chianna leh ngaihtuah hona a\anga lo piang a ni zawk. Mipui rorelna hian Inda ramah zung nghet tak a nei a, hun inher danglam leh chona hrang hrangte a paltlang chamchi tawh a ni. Vawiinah hian kan ram tana sulsutu hmasate, zalenna min thlen a, Danpui \ha tak min siam sak tute kha zah takin i hre reng ang u.
1. Republic day champha phak 60-na hun pawimawh takah hian Mizoram mipui zawng zawng leh vawiina helai hmuna lo kal te hnenah hian duhsakna hlanin chibai ka buk a che u. January ni 26, 1950 kha India ram chanchina ni pawimawh leh chhinchhiah reng tur a ni a. Khami ni a\ang khan India Danpui chu a taka hman \an a lo ni ta a. He India Danpui hi a pianhmang rengah mipuite tan niin lal chhungkua inthlah chhawng rorelna a ni lova. A danglam leh chungchuanna em em chu mipuite rorelna ram a nihna hi a ni. India Danpui thuthlung hmasa ber chuan mipui rorelna atana thil pawimawh hmasa zual Dikna, Zalenna, Intluktlanna leh Inunauna a tarlang a. India Danpui hnuaia rorelna khawl peng hrang hrang te chuan mipui rorelna kengkawhin roreltu thlan theihna te, mahni dikna leh chanvo humhalh theihna te, thuchhe remna ding hrang te hian a ti ngelnghet a ni. Danpui hi politics boruak inlumlet hrinchhuah satliah mai ni lovin, mipui thlanchhuah te leh dan leh hrai lama mithiam tak tak ten uluk taka an zir chianna leh ngaihtuah hona a\anga lo piang a ni zawk. Mipui rorelna hian Inda ramah zung nghet tak a nei a, hun inher danglam leh chona hrang hrangte a paltlang chamchi tawh a ni. Vawiinah hian kan ram tana sulsutu hmasate, zalenna min thlen a, Danpui \ha tak min siam sak tute kha zah takin i hre reng ang u.
2. Kum 60 kal ta chhung khan kan ram chuan kawng hrang hrangah hmasawnna chhuan tham sawi tur tam tak a nei a, ram mipuite pawhin hnamzia rang inpersan tak tak karah inunauna leh thawhhona \ha tak an lan tir bawk a ni. Vanneihthlak takin khawvel finna leh thiamna sang zelah a tha zawnga hma sawn turin zirna lamah te, hriselna leh lo neih lamah te, sorkar kalphungah te India chuan dinhmun duhawm tak a luah chho mek a. Chu chuan \halaite tan eizawnna zau zawk, thil dehchhuah punna leh ram \hanna, hnam hnuaihnung zawkte chawikanna, khawtlang nun inpawh tlang tak leh thingtlang hmasawnna te a thlen dawn a. Kum 2020 ah emaw, chu aia hma zawk pawha India hi ram changkang nih tir kan tum hi suangtuahna naran ni lovin a taka hlen chhuah ngei kan tum nghet tlat a ni.
3. In hriat angin ka sorkar chuan kum khat hmel a lo hmu ta a. Hemi hun chhung hian hma lakna tam tak neiin Mizoram chu ram chak zawk leh intodelha siam turin \anhmun a sawh nghet mek a. Sorkar kalphung her danglam a, langtlang zawk leh mipui tana chhenfakawm, hlemhletna laka fihlim leh mipui tana sorkar \ha siam turin theihtawp a chhuah a ni.
4. He hun lawmawm takah hian ka sawrkar hlawhtlinna leh ngaih pawimawh deuh deuhte tawite in mipui hnena tarlan ka duh a.
5. Ka sawrkar chuan remna leh muanna boruak dik tak hnuaiah lo chuan hmasawnna chu hlimthla mai a ni tih a hrechiang a. Chuvangin dan leh thupek kenkawh a ngai pawimawh em em a ni. Nikum chhung khan pawi khawihna hrang hrang a tlahniam hle a. Dan leh thupek kengkawhtute pawhin, state chhung leh pawn a\anga buaina hrang hrang chhuak karah, tlawmngai pawl leh mipui mimir \awiawmna nen remna boruak an vawng him thei a. Hemi ruala tarlan ka duh chu nikum khan Churachanpur-ah Sinlung People’s Liberation Army (SPLA) mi 64 te chu an ralthuamte dahin 3rd Bn.Assam Rifles kutah an inpe a. Anmahni lo lawmna inkhawm, Assam Rifles buatsaiha Aizawl-a neihah Mizoram sorkar chuan SPLA mi leh sa rawn kir te hi \ha takin a lo dawngsawng a ni. Kum 2009 Krismas leh Kumthar lawmna ah kum dang zawng aia chhinchhiah tlak boruak muanawm kan neiin halpuah leh halmawi hallo tura sorkar khapna thupek chu mipuiin \ha takin an zawm a, boruak chhia leh bawlhhlawh ti punlun lova kan awm theih avang khan mipui hnenah lawmthu sawi lo thei lovah ka inngai a ni. Sorkar inrelbawlna felfai leh thianghlim siam kan tumna kawngah engti kawng mahin Dan leh hrai palzutna a awm tur a ni lova. Ka sawrkar chu hlemhletna reng reng palzam lo turin a intiam a ni. Khawtlang nun a thianghlim leh hrisel theih nan zu khapna dan chu kenkawh chhunzawm zel a ni a. Buh leh bal intodelhna turin ka sawrkar chuan theihtawp a chhuah zui zel a ni.
6. Ka sawrkar-in a ngaih pawimawh ber chu thingtlang leh khawpui chhunga mi rethei leh chhuanchhe zawkte dawmkan hi a ni a. Hemi atan hian New Land Use Policy (NLUP) chu \an thuai a ni dawn a. Chuvangin a dawngtu turte chuan he ruahmanna hi anmahni dinhmun sawh nghehna tur liau liau a ni tih ngaihtuah chungin an hnathawh tur thlanah rilru leh tih takzeta thawk turin ka ngen duh a ni. NLUP hlawhtlinna tur hian a dawngtu leh a kengkawhtute lamah thil felhlel a awm a nih phawt chuan dan anga hmalak a ni ang. Rural Development Department hnuaiah pawh sawrkar laipui ruahmanna hrang hrang NREGS, BADP, BRGF, etc. te chu uluk taka kalpui mek an ni a. Khawpui tihhmasawnna tur atan Jawaharlal Nehru National Urban Renewal Mission (JNNURM) leh Urban Infrastructure Development Scheme for Small and Medium Towns (UIDSSM) te pawh ngawrh taka kalpui mek a ni bawk. Heng bakah hian Swarna Jayanti Shahain Rojgar Yajana (SJSRY)hnuaiah khawpui chhunga chhungkaw rethei zawkte tan eizawnna ngelnghet siam turin hnathawh tur bakah loan leh \anpui dang dang te pawh ruahman a ni a. Disaster Management & Rehabilitation Department chu nasa taka thuam chak a ni ta bawk. Zokhawthar-a Composite Land Customs Station pawh tun a\anga reiloteah India leh Myanmar Commerce Minister ten an hawn dun theih beisei a ni a. India leh Bangladesh insumdawn tawnna tur, Trade Facilitation Centre pawh Tlabungah sak mek a ni.
7. Ka sorkar chuan mipui hriselna atana damdawi inenkawlna hmanraw tih changtlun a ngai pawimawh em em a. Aizawl Civil Hospital chu thuam \hat leh tihlen mek a ni a. District hospital dang te pawh hmanraw \ha zawk nena thuam \hat an ni. Heng bakah hian National Rural Health Mission hnuaia ruahmanna hrang hrang te chu \ha taka kalpui mek a ni a. State pumpuiah Malaria leh T.B dona Programme te pawh hlawtling taka kalpui mek a ni bawk.In hmun leh ram chhinchhiahna record felfai leh rintlak nei turin computer hmanga Land Record siam hna chu ngawrh taka thawh mek a ni a. Social Welfare Department hnuaia mi chhumchhiate ham\hatna dawn theih, Indira Gandhi National Old Age Pension Scheme, National Family Benefit Scheme bakah naupangte leh hnam tlem zawkte tana ruahmanna hrang hrangte chu kalpui mek a ni bawk. Mizoram KVI Board chuan nikum khan chawimawina ropui tak, Best KVI Board Award a dawng a. Tin, Local Administration Department hnuaia hmasawnna hna hrang hrang te pawh \ha taka tih puitlin a ni. Tunah hian Mualpui-a Rajiv Gandhi Stadium sak hna chu ngawrh taka kalpui mek a ni a. He stadium chhunga football khelmual leh a ruala mi 8 intlansiak theihna, 8-lane 400 Metres Running Track siam hna M/S Lloyd Insulation Kolkota ten an thawh mek chuan hma a sawn chak hle a ni. Kumin furpui thlen hma in lei laih leh a vung paih hna hi zawh fel turin nasa taka \an lak a ni a. February thla hian stadium lungphum phum turin Pi Sonia Gandhi, UPA Chairperson chu kan beisei a ni. Nikum chhung khan India ram pum huap inelna chi hrang hrangah kan infiammite vawi engemaw zat telin Gold Medal \hahnem tak an rawn hawn a. Infiamna bakah rimawi leh Fine Art chi hrang hranga Mizoram hmasawnna hi he sorkar hian a ngai pawimawh zui zel dawn a ni. Printing & Stationery Department pawhin hmuh theihin hma a sawn a. Tunlai hmanraw changkang, Image Setter leh Four Colour Offset Machine te hmangin he department hian mawihnai leh fiah fai takin lehkhabu chi tin a chhu thei tawh a ni. State Council of Educational Research and Training (SCERT)chuan zirna siam \ha tura zirtirtu \ha chher chhuah kawngah te, zirtirna hmanraw \ha zawk dap chhuak a, class chhung zirna boruak nuam siam turin nasa takin \an a la mek a ni.
8. Power & Electricity-a intodelh turin ka sorkar chuan ram chhunga kawlphetha siam chhuah leh daihzai taka sem chhuah na lam a ngai pawimawh em em a. 3MW siam chhuak thei Maicham-II SHP chu tunhnai lawkah hawn a ni a. 12MW siam chhuak thei tur Serlui ‘B’ SHP pawh peih fel \ep a ni. Rajiv Gandhi Grameen Vidyutikaran Yojana (RGGVY) hnuaiah electric eng la thlen lohna thingtlang khua zawng zawngah eng pek chhuah vek tum a ni a. Project lian tham 460 MW siam chhuak thei tur Kolodyne HEP Stage II buatsaih hna chu tun atanga reilo te ah thawh \an theih beisei a ni. Heng bakah hian 16MW siam chhuak thei tur Tuirial Hydel Project thar thawh leh hna pawh ngawrh taka kalpui a ni a. 210MW Tuivai Hydel Project thawhna turin sorkar laipui chuan sum senso tur 75% min tumsak dawn a; a bak 25% pawh Asian Development Bank a\anga tum tur niin he project hi reilo tea \an tur a ni. Ka sorkar chuan mi zawng zawng hnena tui thianghlim pe turin theihtawp a chhuah a. District 8 tuam chuakin project 124 thawh mek a ni a, chungte chuan \ha taka hma an sawn avangin lawmawm ka ti hle a ni. Hei bakah hian thingtlang khaw 14 chawm tur Pumping Schemes chu kumin chhunga peih hman beisei a ni. Indopui II-na sipai hranghlui te leh sipai thi chhungten zangnadawmna sum an dawn \hin chu tihpun a lo ni ta a. Tunah hian Aizawl leh Lunglei-ah Family Court dinna tur buaipui mek a ni a. Gram Nyayalayas (Village Courts)pawh a tahtawla din turin hma lak a ni bawk a. Mizoram sorkar hnuaia MR hnathawk te hlawh pawh tihpun a ni ta bawk. Serchhip, Lawngtlai leh Mamit ah te District Jail sak hna chu reilo teah zawh beisei a ni a. Nikum-a 5th International Flora Expo, Bangalore-a neiah Horticulture department chuan National Floral Art Competition ah lawmman Pakhatna a dawng a ni.
9. Mizoram dung leh vang khaw tin inkalpawhna kawng \ha neih hi sorkar-chuan a ngai pawimawh reng a. PMGSY hnuaiah mihring 250 aia tam chenna thingtlang khua zawng zawngte chu kumtluana kalpawh theih kawng \haa chhun tlang vek tum a ni. NEC, NABARD leh World Bank hnuaiah te pawh kawng siam hna bakah lei dawh leh in sak hna te pawh hmun hrang hrang ah ngawrh taka thawh a ni a. Hemi rual hian thing leh nungchate humhalh a, kan ram leilung leh boruak chhe tur venhim hna pawh ngaih pawimawh chhunzawm zel a ni ang. Sorkar chuan industry tenau, small leh medium industry te chhawmdawl a, ram chhung thil siam chhuah tihpun leh chumi hmanga intodelhna kawng hawng turin hma lak a tum a. Mi zawng zawng ziak leh chhiar thiam kim tir vek turin nasa taka beih mek a ni bawk. Khawvel hmasawnna \han dan mila kan ram zirna kalphung siam rem turin nasa taka \an lak mek a ni a. Mizoram Regulation of Animal Movement Act, 2000 chu tunah hian hlawhtling taka kalpui mek a ni a. Nitin chakkhai leh mamawh thil hnianghnara mipui ten an neih theih hi sorkar chuan a ngai pawimawh em em a ni. Transport Department Directorate chu reilo teah sak \an tur a ni a. Bairabi leh Sairang inkar Rel kawng siamna tur buaipui mek chu zawh fel \ep a ni a. New Secretariat Complex hmuna State Central Library sak mek pawh peih thuai tur a ni. Mizoram hi khualzinte fuan khawmna ram ni turin tourism lamah nasa taka \an lak mek a ni a. Lengpui thlawhna \umhmunah Instrumental Landing System (ILS) bun fel a ni tawhin rei lo teah hman mai theih a ni tawh bawk.
10. A tawp berah chuan vawiin hun remchangah hian Mizoram chhunga tlawmngai pawl hrang hrang te, Kohhran te leh mipui te hnenah ka sorkar chunga rinna nghat a, ram hmasawnna tura sorkar in \awiawm na avangin lawmthu ka sawi a. Sorkar hnathawkte inpekna leh an thawhrimna ka chhuangin thuthar thehdarhna lama thawktu zawng zawng te leh Mizoram-a central sorkar department hrang hrang te chungah pawh lawmthu ka sawi a. In zavaia sorkar in \awiawmna leh central sorkar duhsakna in ka sorkar chuan a hmachhawp leh thil tumte hlawhtling takin a hlen chhuak thei ang tih ka ring tlat a ni. Mizoram mipuite hian ram hmasawnna tura kalphung thlak an duhna leh chumi thlen thei tura ka sorkara rinna an nghah angin kalphung thlak danglam hi an phu tak meuhvin ka hria. Kan nihna te humhalh tlat chung leh kan ram sum leh pai dinhmun, khawtlang nun leh hnam ziarang himna tur ngaihtuah chungin India hnam tuipui zau zawk luan fin turin hma lam thlir ila. Vawiin ni pawimawh takah hian India ram ropui tak chhunga hnam tinte inpumkhatna leh lungrualna atana thawk tur te, inrem leh zahawm taka Mizo mipuite nuamsa leh hlim taka kan khawsak ho theihna tura thawk turin rilru i siam thar leh ang u.
Mizoram mipui te hnenah duhsakna sang ber ka hlan nawn leh e.
JAI HIND
3. In hriat angin ka sorkar chuan kum khat hmel a lo hmu ta a. Hemi hun chhung hian hma lakna tam tak neiin Mizoram chu ram chak zawk leh intodelha siam turin \anhmun a sawh nghet mek a. Sorkar kalphung her danglam a, langtlang zawk leh mipui tana chhenfakawm, hlemhletna laka fihlim leh mipui tana sorkar \ha siam turin theihtawp a chhuah a ni.
4. He hun lawmawm takah hian ka sawrkar hlawhtlinna leh ngaih pawimawh deuh deuhte tawite in mipui hnena tarlan ka duh a.
5. Ka sawrkar chuan remna leh muanna boruak dik tak hnuaiah lo chuan hmasawnna chu hlimthla mai a ni tih a hrechiang a. Chuvangin dan leh thupek kenkawh a ngai pawimawh em em a ni. Nikum chhung khan pawi khawihna hrang hrang a tlahniam hle a. Dan leh thupek kengkawhtute pawhin, state chhung leh pawn a\anga buaina hrang hrang chhuak karah, tlawmngai pawl leh mipui mimir \awiawmna nen remna boruak an vawng him thei a. Hemi ruala tarlan ka duh chu nikum khan Churachanpur-ah Sinlung People’s Liberation Army (SPLA) mi 64 te chu an ralthuamte dahin 3rd Bn.Assam Rifles kutah an inpe a. Anmahni lo lawmna inkhawm, Assam Rifles buatsaiha Aizawl-a neihah Mizoram sorkar chuan SPLA mi leh sa rawn kir te hi \ha takin a lo dawngsawng a ni. Kum 2009 Krismas leh Kumthar lawmna ah kum dang zawng aia chhinchhiah tlak boruak muanawm kan neiin halpuah leh halmawi hallo tura sorkar khapna thupek chu mipuiin \ha takin an zawm a, boruak chhia leh bawlhhlawh ti punlun lova kan awm theih avang khan mipui hnenah lawmthu sawi lo thei lovah ka inngai a ni. Sorkar inrelbawlna felfai leh thianghlim siam kan tumna kawngah engti kawng mahin Dan leh hrai palzutna a awm tur a ni lova. Ka sawrkar chu hlemhletna reng reng palzam lo turin a intiam a ni. Khawtlang nun a thianghlim leh hrisel theih nan zu khapna dan chu kenkawh chhunzawm zel a ni a. Buh leh bal intodelhna turin ka sawrkar chuan theihtawp a chhuah zui zel a ni.
6. Ka sawrkar-in a ngaih pawimawh ber chu thingtlang leh khawpui chhunga mi rethei leh chhuanchhe zawkte dawmkan hi a ni a. Hemi atan hian New Land Use Policy (NLUP) chu \an thuai a ni dawn a. Chuvangin a dawngtu turte chuan he ruahmanna hi anmahni dinhmun sawh nghehna tur liau liau a ni tih ngaihtuah chungin an hnathawh tur thlanah rilru leh tih takzeta thawk turin ka ngen duh a ni. NLUP hlawhtlinna tur hian a dawngtu leh a kengkawhtute lamah thil felhlel a awm a nih phawt chuan dan anga hmalak a ni ang. Rural Development Department hnuaiah pawh sawrkar laipui ruahmanna hrang hrang NREGS, BADP, BRGF, etc. te chu uluk taka kalpui mek an ni a. Khawpui tihhmasawnna tur atan Jawaharlal Nehru National Urban Renewal Mission (JNNURM) leh Urban Infrastructure Development Scheme for Small and Medium Towns (UIDSSM) te pawh ngawrh taka kalpui mek a ni bawk. Heng bakah hian Swarna Jayanti Shahain Rojgar Yajana (SJSRY)hnuaiah khawpui chhunga chhungkaw rethei zawkte tan eizawnna ngelnghet siam turin hnathawh tur bakah loan leh \anpui dang dang te pawh ruahman a ni a. Disaster Management & Rehabilitation Department chu nasa taka thuam chak a ni ta bawk. Zokhawthar-a Composite Land Customs Station pawh tun a\anga reiloteah India leh Myanmar Commerce Minister ten an hawn dun theih beisei a ni a. India leh Bangladesh insumdawn tawnna tur, Trade Facilitation Centre pawh Tlabungah sak mek a ni.
7. Ka sorkar chuan mipui hriselna atana damdawi inenkawlna hmanraw tih changtlun a ngai pawimawh em em a. Aizawl Civil Hospital chu thuam \hat leh tihlen mek a ni a. District hospital dang te pawh hmanraw \ha zawk nena thuam \hat an ni. Heng bakah hian National Rural Health Mission hnuaia ruahmanna hrang hrang te chu \ha taka kalpui mek a ni a. State pumpuiah Malaria leh T.B dona Programme te pawh hlawtling taka kalpui mek a ni bawk.In hmun leh ram chhinchhiahna record felfai leh rintlak nei turin computer hmanga Land Record siam hna chu ngawrh taka thawh mek a ni a. Social Welfare Department hnuaia mi chhumchhiate ham\hatna dawn theih, Indira Gandhi National Old Age Pension Scheme, National Family Benefit Scheme bakah naupangte leh hnam tlem zawkte tana ruahmanna hrang hrangte chu kalpui mek a ni bawk. Mizoram KVI Board chuan nikum khan chawimawina ropui tak, Best KVI Board Award a dawng a. Tin, Local Administration Department hnuaia hmasawnna hna hrang hrang te pawh \ha taka tih puitlin a ni. Tunah hian Mualpui-a Rajiv Gandhi Stadium sak hna chu ngawrh taka kalpui mek a ni a. He stadium chhunga football khelmual leh a ruala mi 8 intlansiak theihna, 8-lane 400 Metres Running Track siam hna M/S Lloyd Insulation Kolkota ten an thawh mek chuan hma a sawn chak hle a ni. Kumin furpui thlen hma in lei laih leh a vung paih hna hi zawh fel turin nasa taka \an lak a ni a. February thla hian stadium lungphum phum turin Pi Sonia Gandhi, UPA Chairperson chu kan beisei a ni. Nikum chhung khan India ram pum huap inelna chi hrang hrangah kan infiammite vawi engemaw zat telin Gold Medal \hahnem tak an rawn hawn a. Infiamna bakah rimawi leh Fine Art chi hrang hranga Mizoram hmasawnna hi he sorkar hian a ngai pawimawh zui zel dawn a ni. Printing & Stationery Department pawhin hmuh theihin hma a sawn a. Tunlai hmanraw changkang, Image Setter leh Four Colour Offset Machine te hmangin he department hian mawihnai leh fiah fai takin lehkhabu chi tin a chhu thei tawh a ni. State Council of Educational Research and Training (SCERT)chuan zirna siam \ha tura zirtirtu \ha chher chhuah kawngah te, zirtirna hmanraw \ha zawk dap chhuak a, class chhung zirna boruak nuam siam turin nasa takin \an a la mek a ni.
8. Power & Electricity-a intodelh turin ka sorkar chuan ram chhunga kawlphetha siam chhuah leh daihzai taka sem chhuah na lam a ngai pawimawh em em a. 3MW siam chhuak thei Maicham-II SHP chu tunhnai lawkah hawn a ni a. 12MW siam chhuak thei tur Serlui ‘B’ SHP pawh peih fel \ep a ni. Rajiv Gandhi Grameen Vidyutikaran Yojana (RGGVY) hnuaiah electric eng la thlen lohna thingtlang khua zawng zawngah eng pek chhuah vek tum a ni a. Project lian tham 460 MW siam chhuak thei tur Kolodyne HEP Stage II buatsaih hna chu tun atanga reilo te ah thawh \an theih beisei a ni. Heng bakah hian 16MW siam chhuak thei tur Tuirial Hydel Project thar thawh leh hna pawh ngawrh taka kalpui a ni a. 210MW Tuivai Hydel Project thawhna turin sorkar laipui chuan sum senso tur 75% min tumsak dawn a; a bak 25% pawh Asian Development Bank a\anga tum tur niin he project hi reilo tea \an tur a ni. Ka sorkar chuan mi zawng zawng hnena tui thianghlim pe turin theihtawp a chhuah a. District 8 tuam chuakin project 124 thawh mek a ni a, chungte chuan \ha taka hma an sawn avangin lawmawm ka ti hle a ni. Hei bakah hian thingtlang khaw 14 chawm tur Pumping Schemes chu kumin chhunga peih hman beisei a ni. Indopui II-na sipai hranghlui te leh sipai thi chhungten zangnadawmna sum an dawn \hin chu tihpun a lo ni ta a. Tunah hian Aizawl leh Lunglei-ah Family Court dinna tur buaipui mek a ni a. Gram Nyayalayas (Village Courts)pawh a tahtawla din turin hma lak a ni bawk a. Mizoram sorkar hnuaia MR hnathawk te hlawh pawh tihpun a ni ta bawk. Serchhip, Lawngtlai leh Mamit ah te District Jail sak hna chu reilo teah zawh beisei a ni a. Nikum-a 5th International Flora Expo, Bangalore-a neiah Horticulture department chuan National Floral Art Competition ah lawmman Pakhatna a dawng a ni.
9. Mizoram dung leh vang khaw tin inkalpawhna kawng \ha neih hi sorkar-chuan a ngai pawimawh reng a. PMGSY hnuaiah mihring 250 aia tam chenna thingtlang khua zawng zawngte chu kumtluana kalpawh theih kawng \haa chhun tlang vek tum a ni. NEC, NABARD leh World Bank hnuaiah te pawh kawng siam hna bakah lei dawh leh in sak hna te pawh hmun hrang hrang ah ngawrh taka thawh a ni a. Hemi rual hian thing leh nungchate humhalh a, kan ram leilung leh boruak chhe tur venhim hna pawh ngaih pawimawh chhunzawm zel a ni ang. Sorkar chuan industry tenau, small leh medium industry te chhawmdawl a, ram chhung thil siam chhuah tihpun leh chumi hmanga intodelhna kawng hawng turin hma lak a tum a. Mi zawng zawng ziak leh chhiar thiam kim tir vek turin nasa taka beih mek a ni bawk. Khawvel hmasawnna \han dan mila kan ram zirna kalphung siam rem turin nasa taka \an lak mek a ni a. Mizoram Regulation of Animal Movement Act, 2000 chu tunah hian hlawhtling taka kalpui mek a ni a. Nitin chakkhai leh mamawh thil hnianghnara mipui ten an neih theih hi sorkar chuan a ngai pawimawh em em a ni. Transport Department Directorate chu reilo teah sak \an tur a ni a. Bairabi leh Sairang inkar Rel kawng siamna tur buaipui mek chu zawh fel \ep a ni a. New Secretariat Complex hmuna State Central Library sak mek pawh peih thuai tur a ni. Mizoram hi khualzinte fuan khawmna ram ni turin tourism lamah nasa taka \an lak mek a ni a. Lengpui thlawhna \umhmunah Instrumental Landing System (ILS) bun fel a ni tawhin rei lo teah hman mai theih a ni tawh bawk.
10. A tawp berah chuan vawiin hun remchangah hian Mizoram chhunga tlawmngai pawl hrang hrang te, Kohhran te leh mipui te hnenah ka sorkar chunga rinna nghat a, ram hmasawnna tura sorkar in \awiawm na avangin lawmthu ka sawi a. Sorkar hnathawkte inpekna leh an thawhrimna ka chhuangin thuthar thehdarhna lama thawktu zawng zawng te leh Mizoram-a central sorkar department hrang hrang te chungah pawh lawmthu ka sawi a. In zavaia sorkar in \awiawmna leh central sorkar duhsakna in ka sorkar chuan a hmachhawp leh thil tumte hlawhtling takin a hlen chhuak thei ang tih ka ring tlat a ni. Mizoram mipuite hian ram hmasawnna tura kalphung thlak an duhna leh chumi thlen thei tura ka sorkara rinna an nghah angin kalphung thlak danglam hi an phu tak meuhvin ka hria. Kan nihna te humhalh tlat chung leh kan ram sum leh pai dinhmun, khawtlang nun leh hnam ziarang himna tur ngaihtuah chungin India hnam tuipui zau zawk luan fin turin hma lam thlir ila. Vawiin ni pawimawh takah hian India ram ropui tak chhunga hnam tinte inpumkhatna leh lungrualna atana thawk tur te, inrem leh zahawm taka Mizo mipuite nuamsa leh hlim taka kan khawsak ho theihna tura thawk turin rilru i siam thar leh ang u.
Mizoram mipui te hnenah duhsakna sang ber ka hlan nawn leh e.
JAI HIND
