Directorate of Census Operation buatsaihin vawiin khan kum 2011Indiaram chhiarpui zirhona workshop chu Aijal Club-ah neih a ni.

Workshop hmanpuitu Pu H.Liansailova, Finance Minister chuan kum 10 dana India ramin chhiarpui a neih thin chu ram chhung dinhmun hriat chian na a nih bakah hemi hmang hian hmasawnna tur ruahmanna hrang hrang te duan thin a ni, a ti a.Kum 2011 chhiarpui chu ram pum ah leh Mizoram bikah pawh policy duangtu te, sorkar official te, reasearch scholar te, NGO te leh khawtlang tana thawktu hrang hrang ten ram leh mipui tana ruahmanna rintlak duan chhuah nan an chhawr tangkai ngei a beisei tih a sawi a. Kum 2011 chhiarpui-a chenna in ding zat chhinchhiahna result chu kum khat laia hmaa tih chhuah theih a nih avangin Pu Liansailova chuan Registrar General leh Census Commissioner of India ni bawk, Dr.C.Chandramouli, leh a thawhpuite chungah lawmthu a sawi bawk a ni.

Kum 2011 chhiarpui hiIndiaramin chhiarpui a neih vawi 18-na niinIndependencehnua vawi 7- na a ni a. He census result hi Mizoram-ah chuan kumin April 4 khan Chief Minister Pu Lal Thanhawla’n a lo tlangzarh tawh a. Vawiina workshop-ah chuan kum 2011 chhiarpui atanga India ram pum dinhmun leh a bikin Mizoram dinhmun bih chianna leh kum 2001 chhiarpui nena  khaikhinna neih a ni a. Kum 2011 census record a Mizoram dinhmun tlangpui chu hetiang hi a ni :

Mizoram-a in ding awm zawng zawng zat     

2,69,431

Luah lai in ding awm zat

2,57,581

Mihring chenna

84.3%

Factory/workshop leh hnathawh nana hman

0.8%

In chung leh bang atan GI/Metal/Asbestos hmang

66.3%

A neitu ten an luah

65.8%

Mi luah hawh

31.8%

Khawsak rel nan sorkar tui sem ring

58.7%

Tuikhur tui ring

18.4%

Lui tui ring

7.7%

Electric eng chhi

84.2%

Khawnvar eng chauh chhi

13.5%

Rawngbawl nana LPG hmang

52.5%

Rawngbawl nana thingtuah hmang

44.5%

Rawngbawl nana khawnvartui hmang

1.8%

Bank service hmang

54.9%

Mobile phone hmang

63.9%

Televisionn nei

55.1%

Radio nei

33.5%

Laptop(internet tel lovin) hmang

12.7%

Workshop hi Pu H.P.Sahu IAS, Director of Census Operation chuan a kaihruai a ni.