Aizawl SP hovin ni thum chhung (dt. 31/1/2014, 4/2/2014 leh 5/2/2014) Crime Review Meeting, SP Aizawl Conference Hall-ah neih a ni.

He Meeting-ah hian kum 2013 chhunga Aizawl District a S.R (Special Report) case leh Non-S.R. case pending la awm te thlir ho a ni a. S.R case bikah hian case 51 leh Non-S.R-ah case 205 pending a awm a. S.R case-ah hian a tul ang tih zawh tawh, chargesheet emaw Final Report emaw thehluh theih turte chu a rang lama chinfel (dispose) thuai tura tih a ni a. Non-S.R case 205 chinfel loh la awm atangin case engemaw zat chu investigation zawh tawh leh a titu chhui chhuah theih loh a awm chu chargesheet leh Final Report tura hriattir an ni bawk. Case I/O te thawhrimna leh mipuite puihna avangin case tam tak chinfel a ni thin chu thil lawmawm tak nih thu sawilan a ni bawk.

Kum 2013 chhungin I.P.C hnuaia case ziah luh zat hi 844 niin, chargesheet 366, final report thehluh 27 leh la chinfel loh 451 a awm a ni. Local leh Special Law hnuaia case ziah luh zat hi 215 niin, chargesheet 172, leh la chinfel loh 43 a awm a ni.

Kum 2013 chhunga IPC leh Local Special Law bawhchhia man zawng zawng chu mi 978 niin, mi 219 te chu thiam loh chantira convict an ni.

Aizawl SP chuan khawtlang leh mipuite puihna azarah Mizoram Police ten misual man leh hnuchhuina kawngah hma nasa takin an sawn mek tih sawiin, chutih laiin sualna pawhin a aia chakin hma a sawn ve zel avangin misual man leh an hnuchhuina kawngah Police te tha taka tawiawm zel turin khawtlang leh mipui zawng zawng te a sawmin a ngen nawn leh a ni.