2615/2025-2026

Siaha, 11th December 2025 : Vawiin chawhma dar 10:30 A.M. khan District Hub for Empowerment of Women (DHEW), Women Child Development (WCD), Siaha leh District Legal Services Authority, Siaha tangkawp buatsaih '100 Days Intensive Awareness Campaign on Child Marriage Free Bharat' hawnna hun Mara Autonomous District Council Golden Jubilee Hall, Council Vaih-ah neih a ni.

Pi Hepaw Hlychho, CDPO Siaha chuan kalkhawmte lawmna thu sawiin, ‘kum tling lova nupui pasal neih chungchang chu mi tin hriat makmawh a ni a, India danpui hian kum tling lova inneih a phal lova, kohhran leh khawtlang hruaitute leh mipui mimir pawhin chiang taka kan hriat a, kan tu leh fate zirtir kawngah tan kan lak deuh deuh a ngai a ni’ a ti.

He hunah hian Pi Mary J. Ngurnunmawii, Advocate, District Court Siaha chuan 'Prohibition on Child Marriage Act, 2006' chungchanga hriattur pawimawhte a zirtir-a, zawhna leh chhana hun hman nghal a ni. District tinah Child Marriage Prohibition Officer-an awm a, chungte chu DPO, CDPO, VC/LC Secretary-te an ni a, kum tling lo (hmeichhia kum 18 hnuailam, Mipa kum 21 hnuailam) inneih luih tir an awm chuan kum hnih lung in tan leh cheng nuai khat thleng chawitir theih an ni.

One Stop Center Siaha-a Counsellor Elizabeth Zodinpuii chuan One Stop Centre hmalakna hrang hrang leh Shakti Sadan hnathawhte sawizauna a nei a. Pi Zisia Bohia-in Mizoramah Siaha district chu Beti Bachao, Beto Padhao kalpui hmasa ber an nih thu leh BBBP chu department dang nen lungrual taka an thawhho thin avangin hmasawnna nasa tak an nei tih a sawi bawk.

Vawiin hun hmanna hi Pu Kennedy H. Vanlalchunga, Accountant, DHEW-in a kaihruai a, department official bakah Siaha khawpui chhunga kohhran hrang hrang hruaitute leh NGOs (MCHP, MHIP, LWA) bakah Anganwadi-a thawktute an tel a, Pi Zisia Bohia-in lawmthu sawina a neia hun hman tihtawp a ni.