Vawiin khan zan 1 cham turin India a British Deputy High Commissioner thar Pu Scott Furssedonn-Wood, Kolkata a Office nei chuan Mizoram a rawn thleng a. A cham chhung hian Governor Pu Vakkom Purushothamam, Chief Minister Pu Lal Thanhawla leh Chief Secretary Pi L. Tochhong te a kawm a . NGO, Media leh Kohhran hruaitu thenkhat te kawmna a nei bawk .

Vawiin chawhnu khan Chief Secretary nen inkawm nghal in British palai thar chuan Mizoram a resources hrang hrang te an lo zirchian hnu ah mithiam rual te rawn tir a thawhho dan kawng te an dap tur thu a sawi a. Mizoram leh Britain ram chu welsh ramleh London te nen Pathian thu kaltlanga inzawmna pawimawh tak a lo nei tawh thin a.Hei hi Britain chuan remchang taka hmasawna kawng hrangah te thawhhona neia tih nun leh a duh a ni a ti. British company tha tak tak skill development leh education lamahmingtha tak tak te North East ah an rawn lut tawh a chungte pawh chu belh chian a tha hle ang a ti.

British Deputy High Commissioner hian vawiin tlai khan Governor kawmna nei leh a.Chief Minister Pu Lal Thanhawla'n zanriah a buatsaih sak a ni.