Vawiin khan DIPRO, Office Chamber Mamit- ah  Kumthar 2019 inhlan tharna leh inkawmhona MJA Mamit District te nen neih a ni.

He hunah hian Pu Paul Rokima DIPRO chuan MJA te nena an thawhhona tha tak chu kum 2019 atana chhawm nun zel a tul thu a sawia, lungrualna tha tak nena thawk tlangzel turin a sawm bawk a ni. MJA memberte chu kum 2019 kan hman turah an hnathawhna leh an kalzelna turah duhsakna a hlan nghal bawk a ni.

Pu Ramdinzela, President MJA pawhin DIPRO Office Staff-te nena an thawhhona tha tak chu chhunzawm zel a duhthu a sawi bawk.

Vawiin vek hian Pu Paul Rokima DIPRO ho hian MJA Building sak mek leh sak zawh tawhte a hmunah enho a ni a, Kumin MJA General Assembly an thlenna turah Mamit District MJA-te inbuatsaihna sawiho nghal a ni bawk.