Krismas leh Kumthar vuakveta NLUP tanpuina sum sem chawlhsan lailawk chu kumin January 14, Kut Hnathawktute Ni atanga sem chhunzawm leh tan turin NLUP Implementing Board chuan line department leh district tina Deputy Commissioner zawng zawng te a hriattir a. Beneficiary te hmalakna ngun taka enchiangin tanpuina dawng zui tlakte hnenah chauh tanpuina hi pe chhuak turin NIB chuan a ti bawk a ni.

January 14 a Kut Hnathawktute Ni hman dan tur chungchangah NIB Chairman Pu J.H.Rothuama hovin line department te chu vawiin khan NIB conference hall ah an thu khawm a. Pu J.H.Rothuama chuan line department zawng zawngte Kumthar chibai bukin theihtawp chhuah a, ram tan hna thawk chhunzawm turin a fuih a ni. January 14 hian Aizawl leh district khawpui zawng zawngah Kut Hnathawktute Ni hman a ni leh dawn a. Aizawl ah chuan Synod Conference Hall ah nilenga hman turin programme duan a ni a. NLUP chungchanga mithiamte paper buatsaih zirhona Seminar pawh he programme ah hian duan tel a ni.