KVK Hnahthial Lunglei District chuan August ni 14, 2009 khan Training on Vermi-compost Production & Practices chu Hnathial leh a chhehvel khuaa kut hnathawktute tan a buatsaih a. He Training hawnna inkhawm-ah South Tuipui Bialtu MLA Pu John Siamkunga chu Khuallian a ni.

 

 

Khuallian Pu John Siamkunga chuan KVK leh Mizoram-a kut hnathawktute hi inkawp tlat an nih avangin a nihna ang taka kan thawh a, tan kan lak tlan phawt chuan Mizoram chu ram nuam leh kawng hrang hranga hmasawnna neih theihah kan siam thei ang, a ti. Israel ramah chuan trained farmer leh untrained farmer te inthlauzia tarlangin kut hnathawktute training pek pawimawhzia sawi. Hetiang training hi Mizoramah a tam thei ang ber neih a tul thu a sawi bawk. Kut hnathawktuten tangkai taka an hman atan Seed Storage Bins (thlai chi dahthatna bawm) KVK-in a siam chu kut hnathawktu thlan bik te hnenah a sem chhuak nghal bawk a ni.

Training hi Programme Coordinator Dr. Lalmuanzovi’n a kaihruai a, Pu Senjit Singh Ashem, Subject Matter Specialist (Agronomy) chuan vermicompost chungchang zirtirna a pe a ni. He Training-ah hian mi 60 vel kalin Hnahthial North leh South; Thlasik Thlai Ching Association, Hnathial; Zikhlum Ching Association, Tuipui D; Farm Management Committee, Hnathial leh kuthnathawktu hrang hrangte an kal khawm a ni.