2453/2024-2025

Khawzawl, dated 10th October, 2024: Vawiin chawhma dar 11:30 a.m khan KVK, Khawzawla thawktute chuan Biate khuaa hmunte zauah Wet Rice Cultivation (WRC) kut hnathawktu mi 15 hnenah training an pe. He hun hi Pu Rambuatsaiha, Subject Matter Speciallist (SMS) Agromy chuan kaihruaiin zirtirna hi a pe nghal a ni.

He hunah hian kuthnathawktute hnenah thlasik thlai chin dan tur zirtirna an pe a, thlaichi an sem nghal bawk ani. Heng thlaichi semchhuah te hi Indian Institute of Horticultural Research (IIHR-NEH) scheme hnuai atanga pek chhuah a ni. He scheme hnuai atang hian Tomato F1, Hmarcha (Arka Meghana), Bawkbawn (Brinjal), Bean (French Bean), Bawrhsaiabe (Okra), Um ei (Bottle gourd), Bepui (Dolichos) leh Zamzo ei chi (Amaranthus) te sem a ni.

KVK, Khawzawl te hian tunlai hian District chhunga kuthnathawktute hnenah thlai thar chhuah a lo tam zawk theih nan nasa takin hma an la a, District chhunga khaw hrang hrangah zirtirna an kal pui mek zel a ni.